Reajusta Programa Bolsa da Mãe, MSSI Lansa Ba Munisípiu Hotu
SAPNewsTL, DILI- Ministra Solidariedade Sosial Inkluzaun(MSSI), halo lansamentu reajustamentu ba dadus programa bolsa da mãe kondisional ba munisipiu sira hotu
Ministra Solidariedade Sosial Inkluzasaun Veronica das Dores hateten halo lansamentu reajustamentu dadus ba bolsa de mãe kondisional. Bolsa da mãe kondisional harii tinan barak ona desde IV governu, tanba ne’e IX govenu agora dadauk atu halo lansamentu reajustamentu dadus ba bolsa da mãe.
Dekretu lei no.18/2012 artigu 31 define katak durasaun ou permanensia agregadu familia nu’udar benefisiária iha programa apoiu kondisional bolsa da mãe durante tinan rua(2). Nune’e depois de tinan rua benefisiariu sira presija aktualiza informasaun situasaun familia hasoru
“Objetivu prinsipal katak oinsa atu reajustamentu aktualiza informasaun kona-ba situasaun aktual agregadus familias ba programa apoiu kondisional bolsa da mae hodi reafirma fila-fali sira nia ezibilidade ba programa bolsa da mãe kondisional bazeia ba dekretu lei no.18/2012 dia 04 de Abril”.Dehan Ministra Solidariedade Sosial Inkluzaun(MSSI),ba jornalista sira,Segunda-feira(18/09/2023)
Ministra salienta katak material tenkniku reajustamentu ne’ebe mak entrega hamutuk 492 no funsionariu husi MSSI husi nasional no munisipal mak sei halo reajustamentu
“Ohin ofisialmente ami atu lansa reajustamentu no entrega matrial sira kona-ba tekniku reajustamentu nian total 492. Funcionarios MSSl mak sei hala’o reajustamentu dadus ne’e kompostu husi 107 funcionarios MSSI husi nacional, 385 funcionarios sira aktualmente servisu solidaridade social munisipal inklui RAEOA.”nia afirma
Enquantu MSSI kolabora mos ho ekipa lojistiku husi Ministeriu das Finansas, diresaun nacional partimoniu do estadu, Ministeriu Administrasaun Estatal hodi hetan apoiu ba transporte no motorizada tuir nesesidades.
Enkuantu benefisiariu husi bolsa da mãe kondisional por volta 55.185 ne’ebe maka eziste iha sistema sigas iha 12 Munisipiu inklui RAEOA
Hatutan husi equipa tekniku Munisipiu Aileu Miguel Sarmentu Nunes katak reajustamentu ba programa bolsa da mãe ne’e politika ida ne’ebe mak oinsa bele kontrolu ba benefisiariu balun ne’ebe mak la inklui ona hodi buka solusaun ba sira
“Politika oinsa ami ekipa hotu-hotu bele destaka ba iha kada suku sira para hodi hare’e no halo reajusta didiak ba dadus sira ne’e tanba iha dadus detekta balun ne’ebe maka dala-ruma la inklui ona iha laran halo nusa mak buka meus no solusaun ba liliu programa bolsa de sira”haktuir equipa tekniku munisipiu Aileu ba Jornalista sira
Nia hateten katak equipamentus sira ne’e hotu tekniku kada postu sira iha hotu, no sira rekolha depois transfer mai iha nasional iha sistema ne’ebe maka departamentu bolsa da mãe gerasaun foun sira utiliza
Jornalista: Zenoveva Lopes Sarmento