Santu Padre To’o Indonésia ! Simu Ho Parada Militar

SAPNewsTL, Jakarta – Sua Santidade Papa Francisco finalmente to’o ona Bandara Soekarnu Hatta Jakarta, hafoin aranka husi Vatikanu mai Indonésia.

To’o iha aeroportu Soekanu Hatta Jakarta, Labarik na’in rua feto ida no mane ida entrega ai-funan ida ba Santu Padre Papa Francisco, hetan hakuak husi Papa Francisco no bensa husi Santu Padre.

Iha biban ne’e, Povu Indonézia simu Santu Padre mós ho parada militar indonézia hafoin tula Papa Francisco ho Karreta ida ba fatin deskansa.

Bainhira Sua Santidade Papa Francisco to’o iha Aeroportu Jakarta simu husi Kardeal, Bispu no governu Indonésia, molok kontinua ba fatin ne’ebe prepara ona ba Santu Padre iha Jakarta.

Santu Padre Papa Francisco nia vizita apostólika iha Indonézia ne’e sei la’o durante loron tolu (3) nia laran hahú loron 3-6 Fulan Setembru 2024.

Husi Indonésia, Papa Francisco sei kontinua nia vizita ba Papua Nova Guine hahu hosi loron 06-09 Setembru, remata vizita iha Papua New Guine, Santu Padre sei kontinua kedas mai Timor-Leste iha loron 09-11 Setembru.

Papa Francisco sei konklui nia vizita iha Singapura husi loron 11-13 Fulan setembru hafoin fila fali ba Itália.

Fo hanoin fali katak fatin neen ne’ebe Sua Santidade Papa Francisco sei halo vizita iha Timor-Leste maka Nunsiatura Motael, Palásiu Prezidensial Nicolau Lobato, Orfanatu Madre Alma iha Pantai-Kelapa, Igreza Catedral Metropolita de Dili, Tasi-Tolu, no Centro Concenções de Dili (CCD), hafoin sei fila fali ba Roma.

Jornalista : Conzita Mota