SECOMS & PDHJ Realiza Meet The Press Aprezenta Atinjimentu Servisu
Imajem : Provedoria dos Direitos Humanos e Justiça (PDHJ) Virgílo Guterres iha Auditóriu PCM Paláciu Governu kinta (09/02/2023).
SAPNewsTL, Dili: Sekretáriu Estadu ba Komunikasaun Sosial ho Provedoria dos Direitos Humanos e Justiça (PDHJ) realiza programa Meet The Press ho tópiku atinjimentu servisu governu durante mandatu ne’ebe hamutuk ho lideransa instituisaun no mídia sira.
“Ohin ami konvida PDHJ atu atualiza informasaun sobre knar servisu PDHJ nian, tanba hola parte instutuisaun publiku ninia ne’ebe interese ema hotu nian, programa Meet the Press hala’o dezde tinan kotuk no kada semana ida realiza dala ida atu nune’e loke espasu atu bele koalia direita ho líder instutuisaun no membru governu sira”, dehan Merício Juvinal dos Reis Akara, iha Auditóriu PCM Paláciu Governu kinta (09/02/2023).
Imajem : Sekretáriu Estadu ba Komunikasaun Sosial Mericio Juvinal dos Reis Akara
Iha fatin hanesan PDHJ Virgílo Guterres hatete, sira nia servisu mak halo protesaun ba direitu umanu no halo investigasaun ba kualker kazu saida relasiona ho direitu umanu.
“Ami nia servisu maka atu halo promosaun ho protesaun ba direitu umanu no mos atu asegura pratika governasaun liu husi deklarasaun públika no provedor nia servisu lei ida ne’e atu halo investigasaun ba kazu saida deit ne’ebe relasiona ba direitu umanu, PDHJ nia governasaun iha kompotensia mak investiga no fiskaliza”, tenik Virgilio
Virgilio afirma tan, provedoria nia misaun iha lima mak fiskalizasaun, halo rekomendasaun, simu keixa husi publiku, peskiza advokasia ba asistensia juridika ba sidadaun nia presija, fo paraser juridiku, sensivel ba direitu umanu, la kontra prinsipiu konstituional ba direitu umanu
Enkuantu, iha aspetu fiskalizasaun nian dezde 2005 to’o 2022, PDHJ halo ona fiskalizasaun ba kazu 183 no hato’o ona rekomendasaun hamutuk 461 ba entidade relevante, simu keixa husi 2005 to’o 2022 PDHJ simu keixa hamutuk 3.744 husi sidadaun feto ho mane kazu sira mak hanesan alegasaun violasaun direitu umanu nian komesa husi agresaun fizika ho violensia domestika hatama ba komisaun adjuntu ho diresaun investigasaun no diresaun diskanalizasaun ho diresaun atendementu ezistente pólitiku sira bele deside ou atende konaba keixa sira ne’e.
Jornalista : Juvita Sarmento