FOKUPERS-CITL Fo Treinamentu Orsamentu Sensivel Ba Pessoal APC

Imajem Partisipante Treinamentu  Pessoal Autoridade Protesaun Sivil (APC sigla portuges) kona-ba orsamentu sensivel ba Jeneru (OSJ), iha Salaum FOKUPERS kuarta, (08/02/2023)

SAPNewsTL, Dili- Forum Komunikasaun ba Feto Timor Leste (FOKUPERS) servisu hamutuk ho Care Internasional Timor-Leste (CITL) apoiu treinamentu ba pessoal Autoridade Protesaun Sivil (APC sigla portuges) kona-ba orsamentu sensivel ba Jeneru (OSJ).

Tuir Diretora FOKUPERS, “APC ho FOKUPERS iha servisu ho area diferente tanba ne’e ho opiniaun ne’ebe mak iha Fokupers servisu ho Care internasional hodi realiza treinamentu ne’e, ita halo  formasaun atu nune’e ita bele fahe informasaun ba malu kona-ba informasaun sira ne’ebe ita seidauk hatene klean liu atu ita bele aprende husi ami no ami mos bele aprende husi sira tanba  ami nia servisu ho APC ne’e iha area diferente”, dehan Diretora FOKUPERS Maria Fatima P. Guterres ba jornalista sira iha Salaum FOKUPERS kuarta, (08/02/2023)

Diretora hatutan,  durante formasaun sei rona informasaun oioin, no mos sei iha diskusaun aberta ne’ebe mak sei fahe informasaun ba malu hodi nune’e parte rua bele kompleta ba malu, iha loron ikus sei iha bainaka importante sira husi ministeriu relevante ne’ebe sei fahe informasaun ba sira nia papel kona-ba oinsa atu asegura orsamentu sensivel ba jeneru iha orsamentu jeral estadu nian

Iha fatin hanesan, Representante Care internasional S. M. Maqsood sente kontente tanba servisu hamutuk ho FOKUPERS hodi apoiu treinamentu ne’e, APS bele tuir formasaun ba OSJ

“Ha’u kontente tebes haree katak ohin loron ema ne’ebe iha nivel foti desizaun sira mak marka sira nia partisipasaun iha treinamentu orsamentu sensivel ba jeneru ida ne’e. Ne’e hatudu katak ita nia governu liuliu APS tane aas ona kona-ba inkluzaun sosial iha redusaun risku dezastre no preparasaun ba responde dezastre”, nia hateten

Jornalista : Marcela da Costa