SEFOPE ASINA MoU ho HRD Korea, Kria Sistema Foun Hasa’e Númeru Traballador

SAPNewsTL, DILI : Representante Pontu Fokal Human Resources Development Servise of Korea (HDR) husi Korea mai Timor Leste asina Memourandum Of Understanding (MoU) ho Sekretáriu Estadu Formasaun Profisional no Empregu (SEFOPE) kona-ba The Servise Comitment Agreement of Point System for Recruitment of Foreing workers, Objetivu husi  MoU ne’e atu fasilita teste ba timor oan sira hodi ba servisu iha Korea do Sul

“Ohin ita simu ona bainaka  HRD Korea, ema ne’ebé  mak trata  servisu ema husi  rai liur tama ba sira nia rai, ha’u nia ekipa tékniku ho asesor sira ba vizita oinsa para husu tulun sira atu apoiu Timor Leste liu-liu ba ita nia alin sira ne’ebé tuir formasaun lian Korea bele ba servisu atu aumenta numeru tanba ne’e mak sira promete ba ami, tanba ne’e mak ohin sira mai”. Tenik Sekretáriu Estadu Formasaun Profisional no Empregu (SEFOPE)  Alarico do Rosário iha salaun SEFOPE Kaikoli,  Kuarta-Feira,17/08/2022.

Sekretáriu Estadu  ne’e akresenta, reprezentante HRD mai ho kompañia ba instalasaun programa  Computer Based Test (CBT) atu tulun sira hodi fo teste.

“ohin sira mai ne’e reprezentante HRD husi Korea, sira mai ho kompañia ida kona-ba instalasaun CBT, sistema internet modernu ida ne’ebe di’ak  no sistema foun atu tulun alin sira ne’ebé durante ne’e tuir formasaun sira atu teste;  uluk sira teste iha surat tahan ema dehan manual, lori korize iha Korea lori fila mai iha Timor, agora sira mai teste maibé ita nia fasilidade, internet no komputador ladun di’ak ne’e mak sira teste sistema online”. dehan nia

Governante ne’e hatutan tenke tuir formasaun ho dixiplina, sira akompaña hela ba teste, tenke fokus ba oin tanba atu liu ka la liu sistema mak hatene.

“Ohin ne’e hamutuk 40 tablet sistema ne’ebé di’ak apoiu alin sira atu tuir teste, ita teste iha Timor ema akompaña hela, ita ne’ebé tuir formasaun lian Korea, ita tenki fokus liu ba oin de’it, liu ka la liu sistema hatene kedas, ita husu tulun ema seluk laiha, ita tuir formasaun tuir ho laran no dixiplina tanba ita tuir teste bazeia ba rezultadu ne’ebé mak iha sistema laran, sira atu apoiu tan ita tanba foin mak atu 40 sira bele aumenta”. Nia subliña

Iha fatin hanesan Manager Nout Vougalt TL-Korea Moon Young Hwang hateten sira mai atu introdus no implementa programa CBT ne’e uza hodi teste traballador sira.

“Objektivu prinsipal husi misaun Korea, HRD Korea ho governu Korea Traballador ninian mai iha ne’e atu agradese ba Sua Exelensia Sekretariu Estado Formasaun Profisional no Empregu ba nia vizita iha tinan kotuk ba vizita HRD Korea, iha akordu ida ne’ebé ita nia Direktor Jeral Formasaun Profisional  Emprego Paulo Alves, asina ho ita nia HRD Korea, ita nia misaun mai atu introdus no mos implementa programa ida naran CTB, programa ida ne’e ita uza ba teste ita nia traballador sira atu servisu iha rai korea”. Nia fundamenta

Jornalista : Esmeralda da Silva & Maria de Jesus Daci-Mau

Editor: Luis dos Santos