Selebra Tinan XXV Ezisténsia, Mahein São José Haleu Dioseze Baucau
SAPNewsTL, Lautem: Selebrasaun XXV (25) anos ezisténsia Dioseze Baucau, Mahein São José haleu Dioceze Baukau inklui vizita sarani Estasaun Mahina II, Paróquia Lautem, sarani Mahina II sente haksolok teb-tebes tanba bele hetan vizita ida husi Aman São José.
Tuir Domingos Cabral hateten prezensa Mahein Dioseze Baucau Aman São José iha sira nia leet lori mensajen di’ak no hatudu ezemplu ba familía hotu-hotu liu-liu iha sira nia Estasaun
“São José nia karaktér ninia fiar iha ninia moris ne’e sai ezemplu di’ak ida, banati di’ak ida ba familia hotu-hotu, sarani hotu-hotu espesialmente ba sarani Mahina II hodi bele la’o tuir, ne’e duni ba pesoalmente sente kontente teb-tebes ba nia prezensa ida ne’e”. Dehan Domingos Cabral ba Jornalista SAPNewsTL iha Estasaun Mahina II, 1/08/2022.
Nia aumenta, Aman São José Aman ida ne’ebé haraik an, pasiénsia no iha responsabilidade ho esperansa katak Aman nia vizitasaun ne’e bele hanorin sarani no familia sira atu bele moris tuir Nia hahalok sira.
“Tuir ha’u nia hatene São José ne’e ema ida ne’ebé hakraik an, pasensia no ema ida ne’ebé responsavél, edukadór, motivadór entaun tuir ha’u nia hatene katak nia Aman ida ne’ebé fo modelu ba sira ne’ebé forma ona familia tanba ita hatene katak nia mak hun ba familia nazaré ezemplu ba familia nazaré dala barak ita temi,Nia mak hun ba ida ne’e; ha’u hanesan sarani ida espera katak ba Aman ninia prezensa iha ne’e mai para hamaus i hanorin sarani sira iha ne’e para bele moris tuir Nia ezemplu ne’ebé nia halo tiha ona”. Tenik nia
Entretantu, Nia mós husu ba kaben na’in sira liliu ba sira ne’ebé simu ona sakramentu matrimóniu atu la’o tuir ezemplu ne’ebé São José halo no hatudu nafatin responsabilidade nu’udár inan no aman hodi moris tuir familia nazaré ne’e.
“Ita hanesan sarani ne’ebe forma ona familia, ita hotu tenki moris tuir ezemplu husi ita nia Aman doben São José ne’ebé halo ona hodi tau matan ba Inan Maria Virjen no Na’i Jesus, ita hanesan inan ho aman lori responsabilidade ida ne’ebé todan no ba oan sira mos atu nafatin sai oan ne’ebé di’ak atu nune’e familia ne’ebé harii ona bele metin i di’ak liu hanesan ita Aman doben São José nia familia ida ne’ebé ita dala barak temi familia nazaré”. Nia hakotu.
Jornalista : Absalão da Costa
Editor : Luis dos Santos Pailofo