Asean Pará Games Ba Dala XI, Atleta TL Rekolla Medalla Osan Mean

DILI- Atleta Timor-Leste husi modalidade Para Tenis Meza Abelita Borges ho Pascoela dos Santos  no Teófilo Freitas husi modalidade para atletizmu  hetan medalla osan mean  ba nasaun Timor-Leste iha Asean Para Games XI  ne’ebe realiza iha Solo, Indonesia iha fulan agostu tinan ne’e

“Ami sente orgullu tebes bele hetan medalla osan mean ba nasaun Timor-Leste tanba mai husi esforsu ami nian no agradese ba povu Timor-Leste liliu heroi sira ne’ebe mak sempre suporta tebes ami hodi hetan rezultadu diak ida ne’e”. tenik Atleta Pascoela dos santos ba jornalista SAPNewsTL liu husi  via WhatsApp (02/08)

Entretantu, Chefi misaun Timor-Leste Joanjinho F. da C. Fernandes hateten, atleta Timor-Leste kompete iha eventu ne’e no rezulta atleta nain tolu mak hetan medalla osan mean ba nasaun Timor-Leste.

“Ita nia atleta nain tolu rua husi double para tenis meza  Pascoela dos Santos no Abelita Borges no Teófilo Freitas husi modalidade para atletizmu maka hetan ona medalha osan mean  ba Timor-Leste ne’ebe husi atleta nain -15 ne’ebe Ita lori  reprezenta Timor Leste kompete iha Asean Para Games  ne’e “. tenik Joanjinho

Joanjnho hatutan, nu’udar xefe delegasaun no atleta hakarak oferese rezultadu ne’e ba nasaun no estadu ne’ebe mak durante ne’e sempre apoiu nafatin ba atleta sira

“Ha’u nu’udar xefe delegasaun no atleta hakarak oferese rezultadu ne’e ba ita nia nasaun no estadu ne’ebe mak durante ne’e sempre apoiu nafatin ba ita nia atleta sira no fo onra boot ba eroi no luta nain sira sei moris ne’ebe esforsu harii nasaun ida ne’e liu husi ne’e mak ita nia atleta paraolímpiku hatutan sira nia obra hodi hatudu  iha jogu internasional”. nia hateten

Reportajen : Augusto dos Santos