Simu Oratóriu Na’in Feto ! Angelo : Maromak Nia Planu Nunka Falla

SAPNewsTL, Dili – Eskola Ensinu Bazika 30 Agostu Comoro, simu vizita husi estatua Nai Feto Maria auxiliadora ho São João Bosko, Diretor eskola Vitorino Da Silva Wairia, senti orgulhu tanba bele hetan vizita husi estatua rua refere.

Ohin Ortoriu Na’in Feto Maria Auxiladora no Dom Bosko sai husi eskola 12 de Outubru tasi-tolu nian hodi hakat liu mai vizita fali Eskola ensinu baziku 30 de Agostu, entaun professores tomak hamutuk ho estudante sira senti ksolok tebes bainhira hetan vizita.

“Ami professores tomak hamutuk ho estudante primeiru ano to’o sextu ano, sente orgullu tanba bele hetan vizita husi Nai Feto Maria Auxiladora no Dom Bosco mai iha ami nia eskola 30 de agusto, tanba hetan ona orientasaun husi, padre Paroquia Dom Bosco, katak Ita Nia Virjen Maria Auxiladora vizita eskola hotu-hotu, inklui eskola 30 Comoro”. Dehan Direitor Eskola 30 de Agosto, Vitorino Da Silva Wairia, ba SAPnews Timor-Leste iha knaar fatin Comoro, Sabadu (27/01/2024).

Tuir nia, Estudante sira ho idade ne’ebe kiik sempre halo barullu, hakilar haklalak, iha fatin aprendizajen, situasaun ne’ebe eskola hot-hotu infrenta, maibe ohin loron estudante sira ho hakmatek antusiasmu bele simu vizita husi Nain Feto Maria Auxiladora no Dom Bosco ho silénsiu.

Dirijente ne’e fundamenta, esperansa estudante mai ho objetivu ida katak atu aprende no estuda para sira bele sai futuru nasaun Ida ne’ebe diak.

“Ami professor/a idade aumenta ba daudauk, oinsa ami nia esperansa ba sira atu sira bele estuda diak, balun iha objetivu atu sai mestri tenke estuda makas, atu bele mai troka ami, ida ne’e mak hau nia esperansa maibe ema ida-idak iha ninia esperansa, depende fila fali ba estudante feto no mane ne’ebe mak agora halao estudu”.

Iha fatin hanesan, Juventude Angelo Dilva Alves hateten, Objetivu husi visita Na’i Feto ho Dom Bosco (Oratório) refere atu sarani sira liu-liu estudante sira bele haklean nafatin fiar ba Maromak liu husi hasa’e sira nia devosaun tomak.

 

“Selebra missa hanesan abertura ba eskola no hetan visita husi oratóriu ne’e bele husu Maromak ou Inan Maria Auxiliadora no Aman ba Foinsa’e Dom Bosco, bele acompanha ami ninia estudu durante processu de aprendizagem bele la’o ho diak”.

“Previléjiu bot tebes mai ha’u tanba bele hakbesik an ba Maromak, wainhira inklina an iha grupu refere ha’u sente ha’u nia an diferente ho joven sira seluk iha vida espiritual no vida sosial”.

 

“Ita ema nia moris sempre hasoru desafiu no problema oioin. Maibe buat hirak ne’e sei sai kman wainhira ema hakbesik ba maromak liu liu halo devosaun ba Na’i Feto. Basa hanesan Dom Bosco. Hakbesik ita nia an ba Nai Feto ita sei hare saida mak milagre. Entaun atu hakore no hakmaan problema no desafiu sira ne’e hotu presiza reflete ho profundidade tomak.” Hatete Angelo

Nia akresenta hanesan iha esperansa katak hakbesik an maromak ne’e mak dalan ba susesu maromak nia planu ne’e nunka falha mai ita wainhira ita sente katak labele tamba ba maromak tudo é possivel ( buat hotu bele).

 

Tan ne’e hakbesik an hodi husu ba buat ne’ebe hakarak atu akontese iha loron aban bainrua, Basa Evangelhu hateten “Ema ne’ebe buka sei hetan, Ema ne’ebe dere odamatan, odamatan sei nakloke, ema ne’ebe husu sei simu.

Jornalista : Ermelinda Soares