TANE Konsumidor Halo Estudu Kona-Ba Prestasun Servisu Energia Elétrika Iha TL
SAPNewsTL, Dili: Presidente TANE Konsumidor Antonio Ramos da Silva hateten atribuisaun sira ba ezekusaun husi Polítika Nasional iha setor energétiku garantia jestaun sustentavel no integra ba produsaun, transmisaun, distribuisaun no venda energia eletrika liu husi prestasaun servisu publiku (DL. nu. 29/2020).
“Estudu ida ne’e buka hatene hanoin husi konsumidor sira, liga ba kualidade husi prestasaun serbisu, folin tarifa sira ne’ebe aplika no atendimentu. Estudu mos buka hatene prestasaun konsumidor sira nian relasiona ho ahi mate ka korte energia eletrika no medida saida maka sira foti atu resolve kestaun ne’e”. Hatete Presidente TANE Komsumidor Antonio Ramos Da Silva ba Jornalista sira iha Villa-Verde, Segunda-feira,04/07/2022.
Presidente TANE konsumidor ne’e hatutan rezultadu husi kestionariu ne’e, TANE sei hato’o ba entidade relevante sira, EDTL rasik ho Autoridade Nasionál ba eletrisidade, Konsellu de Ministrus ho komisaun parlamentu nasional hodi revindika atu foti medida sira mak asegura melhoria servisu publiku essensial, universal, asensivel ho kualidade.
“TANE konsumidor hato’o ona ba governu no EDTL kona ba revindikasaun liga ba prestasaun servisu ne’ebe ema reklama, partikularmente nesesidade atu selebra obrigatoriamente kontratu eskritu atu define kondisaun no obrigasaun husi parte fornesedor no konsumidor”
Enkuantu, sira hein katak ho programa ne’e bele kontribui ba halo di’ak liu tan konhesimentu ba realidade sira ne’ebe sente, nune’e mos preokupasaun ho prioridade sira ne’e estadu no entidade prestador, regulador no fiskalizador sira bele foti dezisaun diak liu
Jornalista : Marcela Mery da Costa
Editora : Marcela de Jesus Lemos