CNRT Preokupa Pagamentu Direitu Front Line Ba PNTL
SAPNewsTL, Dili : Deputadu Bankada Congressu Nasional de Reconstrução de Timor (CNRT) Gabriel Soares preokupa pagamentu ba direitu front line ba polísia Nasionál Timor-Leste (PNTL) durante fulan rua.
Deputadu Bankada CNRT Gabriel Soares hateten PNTL sira husu nafatin kona-ba sira nia direitu subsidiu ba lina frente durante fulan rua, tanba to’o agora guvernu seidauk halo pagamentu linha frente sira
“Povu kiik sira tanba divija kiik, sira atu loke ibun ne’e difisil tebe-tebes maibe aproveita liu husi reprejenta povu brani hakbesik an mai ko’alia, sira nia direitu fulan rua la hetan to’o agora” dehan Deputadu Gabriel ba jornalista iha Parlamentu Nasional (4/07/2022).
Nia hatutan Moras Covid19 bele dehan ultrapasa liu ona maibe ema nia servisu ne’ebé atu asegura ema hotu liliu ba parte seguransa to’o agora nia rejultadu la hatene los katak sira bele hetan direitu ne’e ka lae.
“Se sira la hetan ona governu tenki esplika i sira hetan osan governu tenki esplika bainhira mak atu halo pagamentu ba direitu front line ba PNTL durante fulan rua nia laran sira seidauk hetan”. Nia hakotu
Jornalista : Conzita mota