Tékniku EDTL ! Abasi Hetan Soke Hosi Eletrisidade & Mate Fatin
Imajem : Tékniku EDTL, Abesi ne’ebé hetan soke husi ahi eletrisidade iha Alas-Manufahi, 24/03/2025.
SAPNewsTL, Manufahi : Eletrisidade soke mate sidadaun ho naran estimadu Abesi, maiz ou menuz tuku ida liu iha postu administrativu Alas, Munisípiu Manufahi.
Eletrisidade soke mate Abesi, wainhira nia hala’o hela ninia servisu nu’udar tékniku hodi sa’e ba rin eletrisidade iha postu administrativu Alas, munisípiu Manufahi.
Tuir fontes kredivel Othy Franco informa ba SAPNews katak ahi soke mate Abesi iha Alas Manufahi wainhira nia sa’e ba rin eletrisidade.
“Abesi nu’udar tékniku EDTL,E.P (Eletridade de Timor-Leste, Empresa Pública), Nia ema Alas Manufahi, nia hetan soke husi eletrisidade iha oras meiudia, wainhira nia hala’o hela servisu iha terrenu”.Tenik Othy Franco ba SAPNews, Manufahi, 24/03/2025.
Durante Abesi hetan soke husi eletrisidade, nia lakon vida iha fatin akontesimentu tanba ne’e parte EDTL, E.P munisípiu no segurança to’o kedas iha fatin akontesimentu hodi halo identifikasaun no evalua mate isin husi lokal asidente.
Matebean Abesi mate husik hela oan sira no fen (faluk no oan kiak) iha postu administrativu Alas, munisipiu Manufahi.
Hafoin notísia ne’e públika, Mídia Sapnews seidauk halo komfirmasaun ho parte EDTL munisipiu kona ba kauza no kronolojia husi aseidente refere tanba sei okupadu ho servisu seluk.
Jornalista : Marciana da Conceição
