Timor-Plaza Sei Apoiu Jogu CPLP 2025
Imajem : Presidente KO Nelyo Isaac Sarmento no Na’in ba Timor-Plaza Tony Jape iha Lecidere, 12/06/2025.
SAPNewsTL, Dili: Hafoin asina akordu sai patrosinador ho Ministeriu Juventude Desportu Arte Kultura (sigla portuges MJDAC) nuโudar komisaun organizador, Dili Development Center konesidu ho Timor Plaza sei apoiu ekipamenrtu ba jogu CPLP 2025.
Augusto dos Santos – SAPNews
โOhin, ita asina akordu patrosinador ho Timor Plaza, tan neโe ita hetan patrosinador ida tan husi setor privadu sei fo apoiu ba jogu CPLP 2025 iha Timor-Leste”.
“Ita hein katak ida neโe sei fo mensajen diak ida setor privadu sira apoiu nafatin ba jogu internasional sira ne’ebe sei akontese iha Timor-lesteโ dehan prezidente komisaun organizador Nelyo Isaac Sarmento ba jornalista sira iha nia knaar fatin Lecidere, Dili kinta (12/06/2025).
Prezidente komisaun ne’e hatutan, kontribuisaun husi setor privadu sira nia apoiu ba atividade desportu sira iha Timor-Leste sei fo oportunidade ba uma nain ba jogu internasional sira tuir mai.
Nuneโe sei hamorin Timor-Leste nia naran liu husi diplomasia desportu no lori Timor-Leste ba oin nafatin.
Iha fatin hanesan, na’in ba Timor-Plaza Tony Jape hatete, hakarak sai patrosinador hodi apoiu ekipamentu sira hanesan kamizola no apoiu mos iha relasaun marketing nian.
โBainhira parte komisaun organizador husu ha’u atu sai patrosinador ba jogu CPLP iha ha’u nia fatin, iha momentu neโe kedas dehan sim, ha’u hakarak sai patrosinador ba jogu CPLP tanba ha’u mos gosta desportu”.
“Desportu atu la’o diak tenki iha patrosinador barak, tan neโe ami husi Timor-Plaza sei apoiu apoiu ekipamentu sira hanesan kamizola no apoiu mos iha relasaun marketing nianโ.
Tony Jape informa, Timor-Plaza mos iha posibilidade suporta otel ba atleta sira hodi hela tanba sira iha otel ho kuartu hamutuk 45, ba ida neโe sira hein informasaun husi komisaun organizador CPLP nian.
Enkuantu, jogu CPLP sei hahu iha loron 17 fulan Jullu tinan 2025.