Tinan 25, Relembra Hikas Masakre Apikuru-Lautém
Imajem : Karreta Ne’ebé Madre Sira Uza no hetan oho iha Apikuru-Lautém. Karreta ne’e agora iha Igreza Viqueque
SAPNewsTL, Lautém : Iha loron 25 fulan Setembru tinan 1999, Milisia no Militar Pro Indonesia oho Madre no frater sira iha Apikuru, Postu Administrativu Lautem, Munisípiu Lautém, wainhira halo viajem husi Lospalos ba Baukau.
Martires sira ne’ebé hetan oho iha Apikuru, Postu Lautém no Munisípiu Lautém hamutuk ema na’in hitu (9) kompostu husi sidadaun rai-liur na’in 2 Madre Erminia Cazzaniga (Itália) no Jornalista Agus Mulyawan (Indonésia).
Timor-oan na’in hitu (7), Frater Jacinto Xavier husi Baukau, Frater Fernando dos Santos husi Luro-Lautém, Frater Valério Pereira da Conceição hosi Lospalos, Madre Celeste de Carvalho, Fdcc-Uatucarbau-Viqueque, Tity Sandora Cornélio Lopes husi Pairara-Lautém, no Cristovão Rudy Freitas Barreto, Akólitos hosi Baukau.
Iha akontesimentu refere pro integrasaun indonesia sira kaer mos Joven Izino Freitas Amaral ne’ebe sira lori no soe hamutuk ho ema na’in sira ba tasi iha area Apikuru, Lautém.
Antes ne’e, Milísia sira tiru mate joven ida ho naran Benedito Marques Cabral iha Eskola Primária ida Postu Administrativu Lautém.
Karreta ne’ebé madre sira uza, oras ne’e tau ona iha Igreza Viqueque Villa nu’udar memoria rohan-laek ba Timoroan sira.
Ohin loron 25 Fulan Setembru 2024, kompleta tinan ruanulu resin-lima (XXV) akontesimentu masakre apikuru Lautém.
Minutu ida hakmatek ba martires hirak ne’ebé lakon vida ba ukun rasik an, deskansa ho hakmatek no ksolok rohan laek ba imi hotu.
Jornalista : Marcela Mery da Costa