Tuda Malu Iha Ámbitu Via-Sakra Rezulta Joven Ida Kanek, Polísia Kaer Joven Na’in 4
Imajem Polisia Asegura autor tuda malu iha Gruta Ave Maria Golgota, 07/04/2023
SAPNewsTL, Dili : Hafoin Hala’o Via-Sakra Iha Gruta Ave-Maria Golgota, Sidadaun Balun tenta tuda malu halo Sarani Sira balun Halai Namkari, Iha Tuda Malu Refere Rezulta Joven ida Nia Ulun Kanek to’o ran, Portantu Membru Polísia Nasional Timor Leste (PNTL) Ne’ebe Hala’o Segurança Konsege Asegura Sidadaun Na’in Haat (4) Ne’ebe deskonfia involve iha Asaun ne’e
Tuir Kronolojia Ne’ebe Akompanha Direita nota katak Hafoin Sarani Sira fila Husi Kruz Boot Tolu Iha Foho Tutun Golgota, Derepente ema Halai Namkari tun Husi foho leten Mai Hakilar “ema tuda malu”, situasaun ne’e halo sarani sira ne’ebe hala’o hela proseisaun sai trauma no tauk tanba la espera situasaun ne’e bele akontese, enkuantu iha loron sexta-feira santa ema hotu trizte no laran susar hodi selebra jesus kristu nia terus no mate
Lakleur fatuk Kona Joven Mane Ida Rezulta Ninia Ulun Kanek, Nune’e Lori Kedas Nia ba Hospital Comoro Hodi Halo Tratamentu tánba ran sai Husi Ulun
Imajem : Polisia Tula Autor tuda malu iha Golgota ba eskuarda polisia kaikoli-Dili
Iha tempu Hanesan, Parte Segurança Ne’ebe Hala’o Segurança iha Terenu Asegura Kedas Jovens nain haat tánba deskonfia Sira Mak autor ba Kazu tuda malu ne’e. Portantu, Autor Nain haat Ne’ebe parte segurança Asegura Lori Ona Ba Eskuarda Kaikoli hodi submete ba prosesu investigasaun
Entretantu, Konfrontu tuda malu ne’e akontese , maiz ou menuz tuku sanulu resin ida (11:00) dader, hafoin sarani sira fila husi kruz boot iha Golgota tutun, Golgota-Dili, 07 Abril 2023
Hafoin notisia ne’e publika, SAP NewsTL seidauk halo konfirmasaun ho parte seguransa kona-ba ba rezultadu investigasaun no kauza husi tuda malu ne’e
Jornalista: Marcela Lemos