UNFPA & Estrela Husu MS Kombate Moras HIV
SAPNewsTL, DILI – Organizasaun Estrela humutuk ho United Nations Population Fund (UNFPA) lansa dokunmentáriu Video ho nia titulo HAKSOLOK ne’ebe foka ba Human Imunodeficience Virus (HIV).
Diretor Ezekutivu Organizasaun Estrela Ines Lopez haktuir lansamentu video HAKSOLOK ne’e foku ba moras HIV ne’ebe agora daudaun hadaet iha Timor-Leste.
“Atividade ne’e atu hatene liu kona-ba saida mak moras HIV, Moras ne’ebe hadaet husi ema ida ba fali ema seluk, ami hatudu video dukumentáriu ne’e atu nune’e bele halo Timor oan sira la trauma ho moras HIV iha futuru”. Tenik Diretora Ezekutivu Organizasaun Estrela Ines Lopez iha Kuarta-Feira, 06/12/023
Diretora ne’e konsidera, ema barak trauma atu ba konsulta tanba tauk ema hatene sira nia moras, nune’e Organizasaun Estrela hamutuk ho UNFPA halo parseira servisu hodi kontrola Moras HIV iha Timor Leste
“Moras HIV halo ema barak trauma atu ba konsulta tanba tauk ema hatene sira nia moras no mai familia reizeita sira, nune’e Estrela no UNFPA halo parseiru hodi kontrola kona ba moras HIV iha Timor Leste.” Nia sublinha
Nune’e, Diretora Estrela husu ba parte relavenate no ministeriu Saude tenki tau atensaun ba Moras HIV iha Timor Leste tanba númeru Moras HIV aumenta ba bebeik
“Ministériu Saude tenki tau atensaun,no suporta ba parseriu sira hodi halakon moras HIV iha Timor Leste.” Nia Husu
Iha Fatin hanesan, Representante Adjunta UNFPA Iha Timor Leste Dra. Domingas Bernado haktuir sente kontente tebes bele halo pareseiru ho Organizasaun Estrela hodi foka no hare liu ba moras HIV iha Timor Leste
“Timor Leste mos Moras HIV aumenta ba bebeik, atu halakon ita tenki halo parseiru barak, Ha’u mos hakarak husu ba Ministeriu Saude tenki suporta UNFPA no Organizasaun sira ne’ebe mak halo ona parseiru ho UNFPA hodi hare liu ba oinsa bele halakon moras sira hanesan HIV ne’ebe akontese iha rai laran”. Nia dehan
Enkuantu, iha serimonia lansamentu ne’e partisipa husi parte UNFPA, hamutuk ho estrutura Organizasaun Estrela ho membru sira. Portantu tuir dadus ne’ebe SAPNews asesu iha tinan 2023 Ministeriu Saúde regista ona númeru HIV-SIDA liu ona rihun ida atus lima resin.
Jornalista : Antonio Tilman