Demokrasia ! PM Xanana : Presiza Korige Buat Ne’ebe Halo Estadu Sai Fraku

SAPNewsTL, Dili – Durante juramentu ba Membru F-FDTL & PNTL, Primeiru Ministru Xanana Gusmão hateten iha prosessu kontrusaun estadu, presiza kurige buat hotu-hotu ne’ebe halo estadu sai fraku tanba ne’e mak demokrasia

“Ita iha prosesu konstrusaun estadu, ita presiza kurize buat hotu ne’ebe halo estadu sai fraku, tan ida ne’e maka demokrasia katak povu mai korige, PNTL ho F-FDTL sai intituisaun ne’ebe mak importante tebes iha nasaun liu-liu iha estadu ne’ebe mak foin kria sei fraku iha buat barak, bainhira imi nia hahalok diak, estadu sei fiar no la’o ho diak liu tan.”Tenik Primeiru Ministeiru (PM), Kay Rala Xanana Gusmão, liu husi nia diskursu iha Palásiu Governu, Dili, Quinta (07/12/2023)

Primeiru Ministru Kayrala Xanana Gusmão, afirma atu asegura povu nia moris no seguransa ba nasaun maka PNTL no F-FDTL presiza transparansia atu buka rejolve krime hodi halo Timor hakmatek

“Ha’u mos hatene iha munisipiu balun komandante sira haruka deit sira ne’ebe laos arte marsiais, arte marsiais nia membru la iha polisia ne’eba, ohin imi halo komprimisiu instituisional ba ministru defesa no ministru interior agora imi komprimisiu hamutuk ho hau ba rai no povu ida ne’e”

Governante ne’e, afirma “Iha 2009 parada ida forma hanesan ne’e PNTL ho F-FDTL hodi mai kompromete ann atu sai husi arte marsiais no rituas komprimisiu ida ne’e ita la tuir.

“Membru polisia ho komandante, ha’u lao joven ne’e duni ita lalika buka lohi malu, iha akademia polisia ne’eba iha formatura ne’ebe halo iha ne’eba, hau hare’e mos katak komandante sira ne’ebe pertense ba problema, halo ita hasoru malu iha ne’eba la ba tan forma barak ne’ebe forma iha ne’eba hau hare sira nia oin ha’u laos maibe sira mak haruka ha’u mai”.

Estadu Timor atu hari’i hikas valores, sarani, kultura, morais, familia ninia lakon tanba arte marsiais, att liu bainhira atu sa’e sabuk ba jura ho bandeira Merah Putih signifika katak bandeira Mehan Putih mak komanda iha ulun, ita nia bandeira ne’ebe mak ema mate rihun atus rua ne’e la vale ida ne’e mak ohin ita hamutuk iha ne’e.

“Hakilar ba malu hodi dehan katak nu’udar primeiru ministru povu hasai ha’u prontu ba fali governu seluk, imi kontinua nafatin ne’e prontu maibe enkuantu ha’u nu’udar primeiru ministru ha’u sei la permite husi polisia no F-FDTL, ami sei buka tuir nafatin professor ou funsionariu ne’ebe deit, tanba ita halakon valores ita nia rasik”.

“Ita tenke sai onestu iha ita nia hahalok, sim hau pertense iha grupu mai para hetan komprimisiu foun hodi sai husi ne’eba, karik grupu sira ne’e mak fo osan imi entaun sai para ema seluk bele mai tama iha ne’e, mai tama polisia ho dever ida ne’e duni ohin imi halo juramentu institusional agora hau atu lee imi nia juramentu no imi sira ne’ebe mak la pertense labele koalia”.

Membru Polisia Nasional Timor-Leste(PNTL) total hamutuk 272 no membru Falentil Força Defesa Timor-Leste(F-FDTL) hamutuk 883 mak juradu ona hodi servi deit ba povu no nasaun.

Jornalista : Marcela da Costa & Conzita Mota