Voleibol, TL Manan Moçambique, Final Sei Hasoru Portugal
Imajem :
SAP News TL, Díli : Ekipa voleibol praia feto Timor-Leste hatudu dominasaun iha jogu meia final desportivu CPLP kontra atleta Moçambique, rezultadu Timor-Leste manan Moçambique iha set primeiru ho pontu 21 Moçambique 15 pontus, TL kontinua menan iha set segundu ho pontu 21-19.
Marcela Mery da Costa – Mídia Sapnews
Tuir observasaun SAPNews nota iha kampu volly praia largo lecidere, inisia jogu ho dominasuan bo’ot husi atleta Moçambique iha minutu dahuluk to’o minutu 10, bainhira jogadores numeru um (1) no (2) husi ekipa Moçambique domina bola no baku ho forsa ba area Timor-Leste nian.
Maibé ekipa Timor-Leste resiste no la resigna, nune’e jogador Agusta Belo numeru um (2) mentaliza nia an hodi hatudu estratéjia jogu, halo jogador numeru (1) Miguela Ximenes iha mentalidade hodi halibur forsa kontra maka’as Moçambique.
Nune’e rezultadu pozitivu hodi remata set primeiru ho rezultadu provizoriu Timor-Leste lidera Moçambique ho pontu 21-15, Quarta, kampu volly praia, Largo Lecidere (23/07/2025)
Iha set segundu, Timor-Leste kontinua ho konfiansa no organizadu di’ak hodi aumenta pontu bo’ot iha minutu dahuluk nian hodi lider Moçambique 11-4.
Hafoin time out ka deskansa iha minutu balun jogu kontinua la’o fila fali, nune’e atleta Timor-Leste halo esforsu hodi aumenta 12 no Moçambique nove (9) husi pontu ne’e fó esperansa maka’as husi adeptus sira ba jogadores nain rua (2) hodi kontinua aumenta pontu Timor-Leste nian provizoriu ho 14 no Moçambique mantein ho pontu sia (9).
Jogu kontinua ho intensidade no mudansa entre ekipa rua. Moçambique hetan pontu to’o 19, maibé Timor-Leste insiste no hasa’e pontu ba 21 hodi konkista set dahuluk no daruak, nune’e iha eskalasaun final rezultadu Timor-Leste manan Moçambique ho pontu eskor 2-0.
Partida ne’e hala’o iha kampu voleibol praia Lecidere, halo adeptus sira husi Timor-Leste hakilar maka’as fo suporta ba jogadores Timor-Leste Agusta Belo no Miguela Ximenes iha ambiente animadu volly praia lesidere, progresu no determinasaun ne’e hatudu valores desportivu ekipa feto Timor-Leste iha nivel internasionál.
Hafoin jogu remata, iha intervista treinador atleta feto Timor-Leste, Mario Sousa hateten, Timor-Leste iha oportunidade hodi hakat ba faze final volly kontra Portugal, maibé atleta Timor-Leste fizikamente altura ne’ebe nain rua altura badak, nune’e treinador ne’e husu ba adeptu sira hein rezultadu iha jogu tuir mai
“Ita haree katak jogadora Timor-Leste nia sei tama iha final maibé nia fisika husi as sira nain rua (2) metru ida (1) ne’e termu fisika nia, maibe ba teknika nia jogu mak sei determina ho rezultadu menan ka lakon”.
Entretantu, husi rezultadu pozitivu ne’ebe atleta Timor-Leste demostra iha jogu meia final ne’e, hatudu serteza maka’as iha tendensia oioin hodi fó oportunidade ba ekipa feto Timor-Leste hakat ba faze final jogu desportivu modalidade volly praia, nune’e atleta feto Timor-Leste sei kontra ekipa feto Portugal iha faze finalidade.
