𝗔𝗸𝗼𝗿𝗱𝘂 𝗗𝗮𝗺𝗲 𝗘𝗻𝘁𝗿𝗲 𝗞𝗮𝗺𝗯𝗼𝗱𝗶𝗮 & 𝗧𝗮𝗶𝗹𝗮𝗻𝗱𝗶𝗮 ! 𝗣𝗠 𝗔𝗻𝘄𝗮𝗿 : “𝗔𝗦𝗘𝗔𝗡 𝗣𝗼𝗻𝘁𝗲 𝗕𝗮 𝗣𝗮𝘇”

Imajem : Presidente USA Donald Trump hamutuk ho líderes ASEAN selebra akordu paz entre Tailândia no Kambodia iha Malásia, 26/10/2025. Foto : Média PM Malásia

SAP News, Malaysia : Primeiru-Ministru Malázia Ibrahim Anwar deklara Malaysia halo istória nu’udar sasin ba Akordu Pás Kuala Lumpur entre Kamboja no Tailándia.

“Hanesan sasin husi ha’u hamutuk ho Prezidente Governu Presidente República Tailándia, Primeiru-Ministru Anutin Charnvirakul, Donald J. Trump, no Primeiru-Ministru Hun Manet”. Hateten PM Malasia Ibrahim Anwar iha Kuala Lumpur,26/10/2025. Sita pajina PM Malaysia.

Xefe Governu Malaysia dehan asina akordu paz ne’e marka susesu husi diplomasia ASEAN hodi haburas pás no estabilidade rejionál, iha kontinuasaun husi sesarfogu ne’ebé asina ona iha loron 28 fulan Jullu iha Putrajaya.

“Ha’u apresia apoiu hosi ha’u nia belun rejionál no internasionál sira ne’ebé apoia esforsu ida-ne’e, inklui Prezidente Donald J Trump. Papél ida-ne’e maka enkoraja líder sira Kamboja no Tailándia nian atu hetan akordu ida no foti pasu brani hodi hili dame”. Nia subliña

Iha Prezidente Trump nia oin, “ha’u mós subliña nesesidade atu habelar ajenda seguransa ida-ne’e ba rejiaun sira seluk ne’ebé maka sei hasoru hela distúrbiu, liuliu Gaza, atu nune’e mundu bele asiste fali justisa no umanidade universál”. Nia husu

Akordu ida-ne’e hatudu katak ASEAN nia lian oras ne’e hetan respeitu ba beibeik hanesan ponte ida ba dame, hodi hatudu oinsá diálogu no moderasaun bele hakotu disputa sira ne’ebé dura.

Malázia sei kontinua hala’o papél ativu hodi hametin kooperasaun rejionál no internasionál hodi tane aas pás, justisa, no prosperidade la’ós de’it ba ASEAN, maibé ba umanidade tomak.