๐ฉ๐ฒ๐๐ฒ๐ฟ๐ฎ๐ป๐ ๐๐ฎ๐ถ๐ ๐ฎ ๐ฃ๐ผ๐ฒ๐๐,ย ๐๐ผ๐บ๐ฒ๐บ๐ผ๐ฟ๐ฎ ๐๐ผ๐ฟ๐ผ๐ป ๐ฃ๐ฟ๐ผ๐ธ๐น๐ฎ๐บ๐ฎ๐๐ฎ๐๐ป & ๐๐ฝ๐ฟ๐ฒ๐๐ฒ๐ป๐๐ฎ ๐๐ผ๐ธ๐๐บ๐ฒ๐ป๐๐ ๐๐๐รณ๐ฟ๐ถ๐ธ๐
Imajem : Veteranu no Komunidade Raimerhei komemora loron Proklamasaun Independรฉnsia ba dala 50 iha Ermera, 28/11/2025.
SAPNewsTL, Ermera : Responsavel no membru husi kaixa bolsa resistensia poetu ho fatin bolsa abrigu FALINTIL iha area Poetu, Hatatete, Hatlolo no Merudu liga ba kaixa postal Aisรฉo, Suku Raimerhei Postu Administrativu Ermera Munisipiu Ermera, inisiativa komemora tinan 50 proklamasaun independensia unilateral 28-11-1975 iha monumentu istoriku abrigu Raimerhei.
๐๐ฎ๐ข๐ฅ๐ก๐๐ซ๐ฆ๐ข๐ง๐จ ๐๐๐ฆ๐จ๐ฌ ๐๐ ๐๐ซ๐ฎ๐ณ โ ๐๐๐๐๐๐ฐ๐ฌ๐๐
Iha intervista Prezidente Komisaun Organizadora, Adolfo Inacio da Silva Maia hateten, objetivu prinsipal organiza veteranu no veteranu sira realiza atividade icar bandeira nasionรกl iha Suku Raimerhei, tanba suku ne’e iha valor istรณriku aas ne’ebe iha tempu pasadu sai sentru konsentrasaun no baze abrigu ba forsa FALINTIL.
“Hanesan Prezidente Komisaun Organizadora ami rasik iha inisiativa hakarak mobiliza veteranu no komunidade iha suku ida neโe komemora 28 Novembru 1975 iha ami nia suku hodi hanorin jerasaun foun katak suku ida neโe sai fatin konsentrasaun ba FALINTIL sira” Dehan Prezidente Komisaun Organizadora, Adolfo Inacio, ba SAPNews iha Suku Raimerhei, Sexta-feira,( 28/11/2025).
Veteranu neโe hatutan, maske Governu sentral deside povu tomak konsentra iha Postu Administrativu inklui Munisipiu hodi komemora tinan 50 Proklamasaun Unilaterรกl, maibรฉ Nurep A10 Raimerhei Kaixa Bolsa Rezistensia Poetu deside, komemora iha Suku Raimerhei hodi lembra istoria luta ne’ebe Raimerhei oan hamutuk ho FALINTIL halaโo durante Indonesia invade Timor-Leste.
“Komemorasaun ida neโe nia objetivu atu relembra hikas fali durante ami la’o servisu husi klandestina no dokumentu sira kompletu ne’e mak ami komemora hamutuk atu foti dokumentu sira iha neโe ba oin, tanba Raimerhei oan lubuk ida servisu hamutuk ho FALINTIL sira hodi funu hasoru inimigu”.
Responsavel Seguransa Formasaun Zona Hametin Ermera, Sup-Regiaun 7 de Dezembru Ermera neโe hatutan, tinan barak ona veteranu Raimerhei oan lubuk ida kontinua arquiva dokumentu rezistรฉnsia balun, inklui Radio komunikasaun hat, no makina ketik ida, nune’e motiva veteranu sira kria inisiativa hodi komemora tinan 50 Proklamasaun Unilaterรกl iha baze abrigu Raimerhei.
“Ami asegura dokumentu rezistรฉnsia balun iha ne’e hamutuk ho radio neโebe uluk FALINTIL sira utiliza, entaun ami rasik hanoin katak ita nia lutador sira balun mate ona sira menus ba bebeik sรฉ ita la organiza malu ho diak ita-nia istoria sei lakon”.
Entretantu, iha atividade icar bandeira nasionรกl iha ambitu komerasaun tinan 50 Proklamasaun Unilaterรกl Independรฉnsia iha suku Raimerhei, Partisipa husi, responsavel no membru husi kaixa bolsa da Resistensia poetu ho membru bolsa abrigu falintil area Raimerhci Hatatcte, Hatlolo no Merudu, Juventude Rezistensia, Estudante no komunidade aldeia rua iha suku Raimerhei.