Deputadu Bianco Preokupa Kona-Bá Perfurasaun, Labele Fó Difikulta Ba Péritu Sira
![](https://sapnewstl.com/wp-content/uploads/2022/07/index-21-650x513.jpg)
SAPNewsTL, Dili: Deputadu Bankada Fretilin Antoninho Bianco hateten, Timor-Leste nia rikusoin iha rai leten servisu hamutuk ho Timor Resources, Timor Gap, AMPN no governu hala’o tiha perfurasaun ona mina hodi identifika katak rezultadu pozitivu.
“Iha posu hirak ne’ebé la’o daudaun Feto Kmaus ne’e sei iha prosesu ho tékniku bele hetan i parte Liurai nian bele susesu, no mós lafaek nian sei akontese iha dia 01 Agostu, tuir loloos ne’e mai fali tan iha rusa iha Hatu-Udo, Munisípiu Ainaro nian ne’ebé lisenseamentu iha ona no mós parte posu ne’ebé Ai-kameli nian”. Tenik Deputadu Bankada Fretilin Antoninho Bianco iha Planaria Parlamentu Nasionál, Dili, 05/07/2022
Nia akresenta, tuir informasaun ne’ebé sira hetan, parseiru di’ak ho Timor Resources sira update katak possibilidade bele aselera lalais, hotu-hotu bele iha konsiénsia hodi apoiu, próxima iha tinan 2023 bele halo ona perfurasaun ba produsaun, liu-liu iha parte ne’ebé Liurai nian.
“Ami hanesan reprezentante povu iha uma fukun parlamentu nasionál prekupa oinsá mak apoiu tékniku peritu sira ne’e labele halo difikulta ba sira, tanba ema sira ne’e ba mai tempu vistu ne’e atu hotu sira tenke fila mai kuandu tempu perfurasaun presiza tempu ne’e permanente iha fatin”. Dehan Bianco
Deputadu Bankada Fretilin ne’e mós husu nafatin governu, Ministru Interior, Vise Ministru kona-bá vistu nian, Ministru Petróleu Mineiru, Timor Gap oinsá mak atu servisu hamutuk
“Tuir previzaun Lafaek mós pozitivu, mezmu perfurasaun 10.300 metrus ba laran, ne’e primeira vez akontese no Rusa mós akontese hanesan ne’e, ita hein katak dentru 2022 bele akontese hirak ne’e, naran katak governu bele fó esesaun ba vistu sira ema péritu sira ne’e para ke fulan neen (6) sira iha Timor-Leste labele difikulta hanesan hirak ne’ebé ulu-uluk”. Nia hatete
Deputadu Bankada Fretilin ne’e garante katak ho servisu hamutuk entre Parlamentu, Governu no Instituisaun hotu-hotu fó tulun ba empreza ne’ebé durante ne’e servisu ona no Timor Gap bele estabelese mós regra sira kona-bá produsaun nian, fó apoiu ba malu labele fó obstaklu ba malu para prosesu perfurasaun bele akontese perfurasaun produsaun bele akontese 2023.
“Ha’u fiar katak rikusoin ne’ebé ita iha labele toba deit maibé ita sira ne’ebé servisu hamutuk entre órgaun lejizlativu no ezekutivu fó hanoin ba malu liu-liu reforsa servisu ne’ebé Timor Resources halo bele fó vantajen ba rai doben Timor-Leste, maske la fasíl maibé tenke investe, governu tenke prepara osan agora i tau ona osan para oinsá mak previzaun perfurasaun ba produsaun nian ba tinan 2023”. Nia hakotu
Jornalista : Eduardo Moniz
Editor : SAPNewsTL