12 Novembru, PD Husu Joven Sira Sakrifika An Ba Moris Di’ak
Imajem : Prezidente Partidu Demokrátiku Mariano Assanami Sabino. Foto : Media PD
SAPNewsTL, Díli – Relasiona ho loron masakre santa cruz 12 Novembru XXXIII no Loron Nasional Juventude ba dala XVIII, Prezidente Partidu Demokrátiku Mariano Asanami Sabino Lopes husu joven sira hodi hamrik fila fali, sakrifika an ba moris diak no kontinua luta ba konstrusaun estadu no nasaun.
“Ba juventude tomak, ha’u hanoin masakre santa cruz ne’e movimentu juvenil ida hodi hatutan luta libertasaun nasional, nune’e luta ida ne’e tenke sai valor ida ne’ebe motiva no fó espasu ba joven sira atu hamrik fila fali”.Tenik Prezidente Partidu Demokrátiku Mariano Assanami Sabino iha Salaun Laline Larigutu CNE Dili, 09/11/2024
Assanami Sabino konsidera papel juventude importante tebes hodi prense nasaun nia dezenvolvimentu tanba joven mak na’in, esperansa no futuru nasaun nian.
“Prosesu konstrusaun estadu no nasaun presiza teb-tebes papel juventude sira hodi bele ense no kontinua, nune’e Partidu Demokrátiku ho esperansa bo’ot ba joven sira tanba imi mak nain ba rai ida ne’e no kontinuidade espiritu luta eroi sira nian, kontinuidade ida ne’ebe bele muda ita nia rai ida ne’e ba oin”.
Imajem : Prezidente Partidu Demokrátiku Mariano Assanami Sabino hamutuk ho Prezidente CPN Adriano Loromau do Nacimento iha Salaun Laline Larigutu CNE, 09/11/2024
Lider jerasaun foun ne’e parabeniza juventude Timo-Leste, joven sira tenki sakrifika an hodi konkista moris dik iha futuru.
“Loron masakre santa kruz mos sai hanesan loron ba juventude nasional, nune’e ha’u hato’o parabéns ba imi hotu, Selebra loron nasional triste tanba ita nia joven lubuk ida lakon sira nia vida iha 12 novembru maibe aumezmu tempu ita kontente tanba sira inspira imi hodi luta kontinua no sakrifika imi nia aan atu bele hetan moris diak ba povu Timor-Leste”. Assanami Sabino hateten
Mariano Sabino sublinha Partidu Demokrátiku sei kontinua halo esforsu hot-hotu hodi orferese moris diak ba timoroan tomak.
“Nu’udar partidu nia komprimisiu maka sei esforsu atu orsamentu jeral estadu gradualmente , durante tinan lima nia laran sei oferese diak ba povu, joven sira no hametin prosesu konstrusaun estadu”. Assanami deklara
Tinan ne’e, Timor-Leste komemora masakre santa cruz 12 Novembru ba dala XXXIII no Loron Nasional Juventude ba dala XVIII iha terrtóriu nasional.
Jornalista : Marciana da & Conzita Mota