26-27 Janeiru, Governu Lansa Estrada Gleno-Letefoho, Humboe-Ermera Antiga & Gleno Villa
Imajem : MOP Samuel Marçal partisipa enkontru Konsellu Administrasaun Fundu Infraestruturas (KAFI) kona ba osan empréstimo iha Salaun Ministério Finanças Aitarak-Laran, 08/01/2026. Foto : Média MOP
SAPNewsTL, Dili : Relativamente ho estrada Gleno-Letefoho, Humboe ba Ermera Antiga no estrada urbana Gleno Vila ne’ebe aat. Governu liu hosi Konsellu Administrasaun Fundu Infraestruturas (KAFI) deskute kona ba osan empréstimu no banku mundial fo ona resposta positivu hodi lansa iha 26-27 Janeiru 2026.
“Reuniaun estraordináriu Konsellu Administrasaun Fundu Infraestruturas (KAFI) ne’e deskuti osan emprestimu hosi Banku Mundial hodi utiliza ba projeitu rehabilitasaun estrada Gleno (Km 54+370)-Letefoho (Km 30+230), Humboe ba Ermera Lama no estrada urbana Gleno Vila”. Sita Média G-MOP, Dili, 08/01/2026
Xefe Project Manager Unit-Ministériu Obras Públikas, Almicar da Costa Vitor informa, “Banku Mundial fo ona resposta pozitivu ligadu ho osan emprestimu ba projeitu rehabilitasaun estrada Gleno-Letefoho no estrada urbana Gleno Vila”.
Reuniaun ne’e lidera hosi Prezidente KAFI atuál Ministru Planeamentu no Investimentu Estratéjiku, Gastão Francisco de Sousa no partisipa husi membru KAFI hanesan Ministra Finansas, Santina José Rodrigues Ferreira Viegas, Ministru Obras Públika, Samuel Marçal no Ministru Transportes no Komunikasaun,Miguel Marques Gonçalves Manetelu.
Orçamentu impréstimu ba melhoramentu no troçu rodoviáriu Letefoho (km 30+230) – Gleno (54+370) ho montante millaun 38.800.054,00 dolar amerikkanu.
Tuir planu estrada ligasaun Gleno-Letefoho, Humboe ba Ermera Antiga no Gleno Villa sei lansa ofisialmente iha loron 26-27 Janeiru 2026.