26 Outubru, Adere Ba ASEAN ! PM Xanana : “La’os Fasil Maibé Prepara Ona”
Imajem : Primeiru Ministru Kay Rala Xanana Gusmão iha Palácio Presidencial Nicolau Lobato,16/10/2025
SAPNewsTL, Díli : Primeiru Ministru (PM) Kay Rala Xanana Gusmão, informa ba Presidente República (PR) Jóse Ramos katak, governu prepara ona buat kona ba adezaun Timor-Leste ba ASEAN iha loron 26 Outubru 2025.
Vinsensius Saldanha – SAPNewsTL
Primeiru Ministru Kay Rala Xanana Gusmão hatete sorumutu semanal ne’e atualiza mós ba Prezidente Repúblika kona-ba servisu governu nian ne’ebe foka ba Timor-Leste nia preparasun adezaun ba Association of Southeast Asian Nations (ASEAN).
“Ha’u mós informa ba Presidente Republika katak, ita halo hela ita-nia preparasaun atu tama ba ASEAN laos fasil, komplikadu maibé buat hotu ita tenki prepara iha setor legal nian, ita prepara hotu ona”.Dehan PM Xanana ba Jornalista sira iha Palasiu Presidensial Nicolau Lobato Bairo -Pite Quinta feira,(16/10/2025)
Primeiru-Ministru hatutan, Governu mós aprova projetu rezolusaun ne’ebe aprezenta husi Ministru Negosius Estranjeirus no Kooperasaun Bendito Freitas no Vise Ministra Asuntu ASEAN Milena Maria Da Costa Rangel kona ba kriterius designasaun no garantia kontinuidade ponto fokal Timor Leste nian ba ASEAN.
Delegasaun Timor-Leste ba Malásia hodi partisipa iha serimónia solene adezaun ba ASEAN sei aranka iha loron 24 fulan Outubru no sei fila hikas mai iha loron 29 fulan Outubru 2025.
Delegasaun ofisial hosi Timor-Leste mak hanesan Primeiru Ministru, Vise Primeiru Ministru Francisco Kalbuadi Lay, Ministru Negosius Estranjeirus no Kooperasaun Bendito Freitas no Vise Ministra Asuntu ASEAN Milena Maria Da Costa Rangel, Ministru Transporte no Telecomunicações no Sekretariu Estadu Komunikasaun Sosial, Vise Ministru Asuntu Parlamentares no Xefe Bankada CNRT, FRETILIN, PD, KHUNTO & PLP.
Konvidadu internasional ne’ebe sei partisipa iha serimónia ne’e maka Presidente United States Donald J. Trump, Presidente Republika Brasil, no representante sira seluk hosi nasaun oioin.