5 Novembru, Governu Apresenta OJE Ba PN Ho Montante 2.291 Billaun
Imajem : Primeiru Ministru Kay Rala Xanana Gusmão iha Palácio Presidencial Nicolau Lobato,16/10/2025
SAPNewsTL, Díli : Primeiru Ministru (PM) Kay Rala Xanana Gusmão, informa ba Presidente República (PR) Jóse Ramos katak, Governu deside loron lima (5) inisiu fulan novembru tinan ne’e, hala’o diskusaun kona-ba Orsamentu Jeral Estadu (OJE) tinan 2026.
Vinsensius Saldanha – SAPNewsTL
Xefi Estadu hateten, enkontru semanal ho Presidente Republika Jose Ramos Horta, hodi hato’o progresu servisu Governu nian ba xefe estadu, tanba Governu submete ona proposta Orsamentu Jeral Estadu (OJE) ba Parlamementu Nasional hodi hein diskusaun iha fulan novembru.
“Ha’u mai informa ba Presidente Republika katak, hatama tiha ona orsamentu ba Parlamentu Nasional iha loron 1 fulan outobru no loron 5 fulan novembru ne’e hahu diskusaun Jeneralidade to’o 24 novembru ultimu dia diskusaun iha ne’eba aprova, loron 25 novembru haruka mai PR atu promulga,” Dehan PM Xanana ba Jornalista sira iha Palasiu Presidensial Nicolau Lobato Bairo -Pite Quinta feira,(16/10/25)
Xanana realsa, antes ne’e Nonu Governu konstitusional liu husi Konselhu Ministru (KM) aprova ona Orsamentu Jeral Estadu 2026 ho montante 2.291 billaun,
Aleinde ne’e, Xefi Governu mós atualiza ba Prezidente Repúblika kona-ba servisu governu nian ne’ebe foka ba Timor Leste nia preparasun adezaun ba ASEAN,
“Ha’u mós informa ba Presidente katak, ita halo hela ita-nia preparasun atu tama ba ASEAN laos fasil, komplikadu maibé buat hotu ita tenki prepara iha setor legal nian ita prepara hotu ona”.
Primeiru-Ministru hatutan, iha loron Quarta-Segunda-Feira Governu mós aprova projetu rezolusaun governu, ne’ebe aprezenta husi Ministru Negosius Estranjeirus no Kooperasaun no Vise Ministra Asuntu ASEAN Milena Maria Da Costa Rangel kona ba kriterius designasaun no garantia kontinuidade ponto fokal Timor Leste nian ba ASEAN.