Hari’i Iha Inserteza & Fillial Tinan 7 ! Felizmente, Eskola Sekundaria Fernando Lasama Luro Sai Susesu

Imajem : Xefe Ekipa Instalador Eskola Sekundaria Jeral Fernando Lasama Luro, Cecilio Soares
SAPNewsTL, Lautem – Durante tinan hitu Eskola Sekundaria Fernando Lasama Luro sai Filial ba Eskola Sekundaria Jeral Nino Conis Santana Lospalos, Diretor Servisu Edukasaun Munisipiu Lautem Anibal Fernandes hateten Sekundaria Fernando Lasama Luro hamrik mesak ona nuโudar Sekundaria Jeral iha Lautem tanba neโe husu Luro oan sira atu kontinua hamutuk lori eskola neโe ba oin.
Tuir Diretor Servisu Edukasaun Munisipiu Lautem Anibal Fernandes katak Eskola Sekundaria Fenando Lasama Luro hamrik mesak ona nuโudar Sekundaria Jeral tanba neโe nia fo apresiasaun ba ekipa inisiador no kontinuador ba professor sira hotu sira bele hamrik mesak ona.
โIha ita nia desizaun bolu ona Diretor Eskola katak imi hamrik mesak ona, ita hotu hader sai aman no aman ba oin nafatin tanba neโe ami fo apresiasaun ba ekipa instaladora Luro oan sira, iha inisiador iha mos kontinuador, maske inisiador hasoru difikuldade katak uluk edifisiu la iha maibe ohin loron instala tiha unidade rua ba ESG Lasama, ida neโe hatudu katak imi bele hamrik mesak laโos atu sai oanโ. Dehan Diretor Servisu Edukasaun Munisipiu Lautem Anibal Fernandes liu husi nia diskursu hafoin remata serimonia nomeasaun ba gabinete diretiva foun iha edifisiu ESG Fernando Lasama Luro, 10/06/2024
Diretor Edukasaun Munisipiu Lautem neโe husu atu kontinua hamutuk lori eskola neโe ba oin tanba neโe sira hotu nia responsabilidade tanba sira hotu nia esforsu mak sira bele hari’i eskola sira bele atinje sira nia mehi.
โHamutuk lori eskola neโe ba oin, nasaun neโe ba oin, lori mundu mai Timor, lori Timor ba mundu, ita presiza relasaun diak ho komunidade ka nasaun neโebe boot hodi apoiu dezenvolvimentu liuliu iha area edukasaun, nuneโe eskola ida neโe ita husu atu eskola neโe tenke fo benefisiu boโot ba Lautem, nuneโe edukasaun ida neโe iha ita hotu nia liman no responsabilidade, atu laโo ba oin ka ba kotuk neโe iha ita nia responsabilidade, obstakulu barak hasoru maibe hirak neโe hotu mak dezafia hodi vense imi obstakulu sira atinje imi nia mehi, mehi mak bele hari’i eskola katak Luro oan bele tanba liu husi forsa no esforsu neโebe tau hamutuk bele atinje ita nia mehiโ. Diretor hameno
Iha fatin hanesan, Xefe ekipa instalador ba Eskola Sekundaria Jeral Fernando Lasama Luro Cecรญlio Soares informa Sekundaria Fernando Lasama neโe hari’i tanba mai husi inisiativa no esforsu Luro oan sira nian neโebe durante neโe luta esforsu no ohin eskola bele hamrik mesak sai nuโudar Sekundaria Jeral.
โEskola neโe hariโi mai husi inisitaiva Luro oan ninian, esforsu rasik husi Luro oan, prosesu neโe kontinua eskola ida hari’i iha inserteza nia laran, la garante buat ruma bazeia ba esforsu rasik, inisiativa rasik oinsa loron ida sai diak, estatutu ida tinan hirak nia laran sai nafatin hanesan sanak husi Ensinu Sekundria Konis Santana nian maibe nafatin luta oinsa konkretiza mehi katak loron ida eskola neโe tenke hamrik mesak, nuneโe ohin mehi sira neโe sai realidade sai nuโudar Eskola Sekundaria Jeral Fernando Lasama Luroโ. Tenik Cecilio

Diretor Eskola Fernando Lasama Luro, Adolfo Hornay
Nuneโe mos Diretor Eskola sesante Adolfo Paulo Hornay agradese ba ekipa instalador sira nia esforsu neโe halo hodi bele estabelese Sekundaria Fernando Lasama neโe iha Luro.
โAgradese ba ekipa inisiador ekipa instaladora neโebe hahu tinan 2016 estabelese ensinu Sekundariu, ami hanesan rekurus umanu prinsipal neโebe mak hola parte atu kontribui apoiu ba ESG Fernando Lasama neโebe mak instala no eziste dadauk iha Postu Luro neโe, ami iha Profesor sanulu resin haat neโebe iha 2017 sai hanesan kontratu nasional maibe iha 2016 tinan ida resin neโe voluntariu, prosesu naruk neโebe mak liu ohin bele hamrik mesak ona, eskola ida neโebe ho nia gabinete diretiva fiksu legalizadu no formalizadu husi komisaun funsaun publika ninian, neโe ami agradese no orgullu tebesโ. Adolfo parabeniza
iha sorin seluk, alumni eskola sekundaria Fernando Lasama Luro, Sergio Alves da Costa kongratula ekipa instaladora no manorin sira hotu inklui ema hotu ne’ebe apoia hari’i eskola ne’e liliu ikus bele hamrik mesak ona iha Lautem.
“Ha’u nia kongratulasaun ba ekipa instalador tomak, manorin sira no ema hotu ne’ebe apoia ke to’o ohin loron eskola sekundaria ne’e bele hamrik ho estatutu rasik hanesan sekundaria jeral,ย nu’udar alumnae ida husi eskola ne’e sente gratitude tanba ho prosesu ne’ebe difisil tebes no la’o naruk maibe to’o ohin loron eskola ne’e bele hetan estatutu nu’udar esninu sekundaria jeral ne’ebe kore an ona husi fillial eskola sekundaria Nino Konis Santa Lospalos, obrigadu wa’in tebes ba ema hotu ne’ebe kontribui direta tantu indireta.”Alumni Sergio Alves da Costa agradese
Sergio Alves konta, iha tinan 2016, ema hotu la fiar katak eskola ne’e bele hari’i tanba laiha estudante no ema barak duvida ho hari’i eskola ne’e, iha momentu ne’eba estudante sira ba rejistu hotu ona iha Lospalos, mestre sira telefone tuir maibe barak lakoi eskola iha Luro tanba laiha kondisaun no la garante katak eskola ne’e bele hari’i, to’o hari’i ema barak kontinua tau iha kestaun tanba laiha edifisiu no estudante sira eskola iha kuartu ne’ebe antes uza ba kapela iha Luro, maibe prosesu ne’e kontinua la’o naruk to’o ohin loron bele hamrik mesak.
“momentu ne’ebe konsidera hanesan inserteza, halo ema barak duvida no mosu kestaun barak kona ba naran eskola no sustentabilidade eskola ne’e nian, prosesu ne’ebe difisil tebes, maske nune’e, maibe manorin sira kontinua servisu makaas iha nonok nia laran, sira firme iha dedikasaun no prestasaun liu husi hanorin, fo koragem no enkoraja tebes ami estudante sira iha tempu ne’ebe difisil, sira nia domin no disponibilidade tomak ne’ebe fo ba foinsa’e sira, ne’e vale apena tanba ita bele dehan to’o ohin loron ami balun gradua ona, balun sempre hatudu prestasaun diak iha universidade sira, balun hetan ona servisu no balun sei eskola no tuir kursu sira, ida ne’e hatudu katak sira bele no esforsu ne’ebe sira halo ne’e la saugati”. Alves da Costa sublinha

Imajem : Sergio Alves da Costa (Eis Senadu Estudantil Fakuldade Engenharia Siensia no Teknolojia, Universidade Nasional Timor Lorosa’e)
Iha momentu ne’eba, Manorin sira hanorin voluntariu deit, estudante sira iha deit aula rua, aula ida ho numeru estudante na’in 6, hafoin la’o liu tiha fulan ida, estudante balun ne’ebe estuda iha lospalos deside fila fali ba Luro hodi eskola, entaun estudante aumenta ba sanulu resin tolu, entaun fahe tiha ba rua turma Programa Ciensia Teknolojia no Ciensia Sosiais, hafoin prosesu ne’e la’o, Ministeriu Edukasaun mos konsege kontrata professor hamutuk 16, ikus maibe estudante sira kontinua halo transferensia durante tinan ida rejista estudante hamutuk 29 husi programa rua.
Hafoin tinan 2016, iha tempu orientasaun ba estudante foun tanba aula la sufisiente entaun Koordenador Eskola (Almerindo Pina) deside hamutuk ho professor sira no estudante sira halo aula provizoriu hodi uza ba ensinu aprendijajem tanba numeru estudante aumenta rezulta aula laiha atu uza ba ensinu, nune’e sala de aula provizoriu ne’ebe hari’i husi professor sira no estudante sira ne’e uza to’o tinan 4, maske nune’e maibe aula balun uza hamutuk eskola ensinu baziku sentral Luro tanba sira nia aula balun mamuk iha oras loraik nian.
“Felizmente, to’o ohin loron eskola ne’e bele hamrik mesak ona tanba iha ona sala aula ne’ebe sufisiente hodi uza ba prosesu ensinu aprendijajem kada loron, orgullu tebes tanba espetativa ne’ebe iha durante ne’e, la’o to’o tinan 7 konsege konkista ona rezultadu ida ne’e. Entaun ha’u fo parabens boot ida ba komponente hotu iha Luro, espera katak bele servisu hamutuk no servisu makaas liu tan hodi forma foinsa’e Luro oan sira ba futuru ne’ebe diak liu hodi servi familia, sosiedade no nasaun”. Sergio hateten
Entretantu, eskola neโe harii iha tinan 2016 neโebe utiliza Edifisiu EBC Luro no sala provizoriu neโebe harii husi profesor no estudante sira iha tinan 2017, estudante ne’ebe frekuenta hela estudu iha eskola refere por volta atus lima resin, iha ne’ebe ho nia manorin sira hamutuk nain sanulu resin hitu (17).
Jornalista: Denilia Soares & Olandina Pinto