Hari’i Infraestrutura Seguru, PNTL Sei Hasai Komunidade Okupa Espasu Identifikadu Iha Dili
Imajem : Ekipa Konjunta PNTL hala’o reuniaun iha Kuartel Jeral PNTL Kaikoli, 15/07/2024
SAPNewsTL, Díli – Polisia Nasional Timor-Leste (PNTL) sei halo notifikasaun ba komunidade iha area Santa Krus, Vila Verde, Motael, Kaikoli no Komoro ne’ebe hela iha fatin identifikadu ba infraestrutura Polísia nian iha kapitál Dili.
Komandu Jeral PNTL ho liña ministerial halo enkontru ikus hodi deside data molok halo identifikasaun ba komunidade ne’ebe okupa rai ne’ebe identifikadu ba futuru infraestrutura PNTL nian.
Komandante Komandu Administrasaun PNTL superintendente Xefe Natersia Eufrazia Martins husu ba autoridade komunitaria atu kordena ho komunidade hodi labele halo impedimentu durante prosesu konstrusaun ba infraestrura PNTL nian.
“Husu ba autoridade komunitaria atu kordena ho komunidade hodi labele halo impedimentu durante prosesu konstrusaun ba infraestrutura PNTL nian”. Dehan Komandante Komandu Administrasaun PNTL superintendente Xefe Natersia Eufrazia Martins ba jornalista sira iha salaun Komandu Jeral PNTL Kaikoli Díli, 15/07/2024.
Komandante Komandu Administrasaun PNTL Superintendente Xefe Natersia Eufrazia Martins salienta, iha 16 jullu identifika dadus hodi halo levantamentu iha terenu.
“Loron aban tersa-feira sei identifika, buka dadus hodi halo levantamentu, nune’e labele promesa fali valor iha terenu, ita mos tau konsiderasaun atu labele impende prosesu konstrusaun ba mai husi ami nia Postu, eskuarda no komandu sira”.
“Bainhira Fatin hirak ne’es qeidauk los entaun ami mos serbisu seidauk los bainhira ami serbisu los hatudu katak ami mos iha fatin ne’ebe seguru ona”. Nia hatutan.
Xefe Suku Comoro Postu Dom Aleixo, Elizio Jose da Silva Marcal
Iha fatin hanesan, Xefe Suku Komoro Elizio Jose da Silva Marcal hateten, prontu kopera hamutuk ho ekipa konjunta hodi halo notifikasaun ba komunidade afetadu iha Suku Komoro.
“Ami prontu koopera ho ekipa konjuta hodi halo notifikasaun ba komunidade afetadu sira iha
Suko Komoro, kopera ne’e importante tanba ne’e laos planu foin daudauk maibe antes ne’e komunidade balun hatene no rona ona”. Nia informa.
Xefe Suku ne’e mos sublinha, bainhira hasoru malu ho komunidade maka parte rua sei halo konkordánsia, ko’alia ho di’ak hafoin halo levantamentu, nune’e komunidade sira tenke sai dignu.
“Importante ba hasoru malu ho komunidade sira hodi halo konkordansia no ko’alia ho di’ak, halo levantamentu dadus, fo informasaun di’ak, maibe importante maka tenki sai ho dignu”. Tenik Xefe Suku Komoro Elizio Jose da Silva Marcal.
Asesor Kordenador Enjeneru Ministru Interior João Moniz do Santos
Asesor Kordenador enjeneru Ministru Interior João Moniz do Santos hateten, projetu ne’ebé atu konstrui ba PNTL iha Díli sei halo iha fatin sira hanesan eskuadra Vera Kruz, Sede PST Balide, postu ida iha Vila Verde ikus sei kontinua iha Kuartel Jeral, projetu hirak ne’e sei liu husi Ministru Obras Públikas (MOP) no Ajensia Desenvolvimentu Nasionál, Institutu Públiku (ADN,I.P).
“Ohin enkontru kona-ba ita nia projetu sira ne’ebe maka atu la’o primeiru maka eskuarda Vera krus ne’e atu halo iha Farol, ita nia eskuarda nain feto ne’e mak atu halo iha sede PST, terseiru atu halo postu ki’ik ida iha area Vila Verde tuana laran, no kuartu atu kontinua iha kuartel jeral, projetu sira ne’e normalmente tuir estimasaun husi Ministro Obras Públikas, hafoin ba ADN hodi hatene nia kustu”. Tenik João Moniz do Santos.
Asesor Kordenador ne’e mos hateten,”Kuartel jerais munisipal iha 2024 maka hanesan kuartel munisipal Dili, Likisa no Aileu, ita mos hatama ba projetu 2024 ne’e hanesan ita nia komandu jeral, Eskuarda ne’ebe iha foho, ita tau tipu tolu hanesan A,B no C, entaun iha 2024 nia laran atu implementa tan eskuarda tipu C iha fatin tolu Munisipiu Ermera, Manatutu (Laklo) no Lautém”. Informa Asesor Kordenador Enjineiru Ministru Interior João Moniz do Santos.
Implementa kajer ba 2024 maka seu halo iha Lautem, Lore no Maliana, governu tau eskuadra refere ba tipu C, bazeia ba juridikamente iha tinan ne’e, projetu laos ida ne’e de’it maibe projetu Unidade Polísia Marítima (UPM) iha fronteira hamutuk 47 projetu, daudauk prosesa ona ba prosesu halo tenderizasaun.
Projetu tuir mai ba tinan 2025, governu sei implementa projetu eskuarda ba PNTL territorial hanesan eskuarda iha Ai-mutin no kuartel munisipal, nune’e programa refere uza orsamentu 2024 nian.
Entertantu, ekipa konjunta ne’e kompostu husi Komandu Jeral PNTL, Ministériu Justisa, Diresaun Nasionál Terras no Propridades, Ministeriu Obras Públikas, Ministru Interior, inklui Ministériu Agrikultura no autoridade suku sira ne’ebé iha Munisipiu Dili.
Jornalista : Ermelinda Soares