Asidente Iha Ponte CPLP, Joven Mane 1 Mate Fatin
Imajem : Asidente Motor Soke Karreta Toyota iha Area Ponte CPLP Comoro,09/12/2024.
SAPNewsTL, Dili : Relasiona ho asidente ne’ebe akontese iha Ponte Comunidade dos Paizes da Lingua Portugueza (CPLP) Comoro rezulta sidadaun mane ida mate fatin tanba soke karreta hodi kotuk ho velosidade ne’ebé lais.
Tuir sasin, Nelson Caldas informa motor ho xapa matríkula B-5039 maka halai hosi kotuk ho velosidade lais mak soke karreta marka Toyota.
“Motor ho xapa matríkula B-5039 halai ho velosidade makaas husi diresaun Timor-Plaza ba Rotunda Nicolau Lobato Comoro maka soke karreta hosi kotuk iha ponte CPLP”. Tenik Sasin Nelson Caldas ba SAPNews iha Comoro,09/12/2024
Nelson hatutan, asidente ne’e rezulta motorista mane ne’e mate fatin tanba baku ba karreta, enkuantu sidadaun ida ne’ebé akompanha ho nia iha motor ne’e monu sai no sofre kanek.
“Motorista mate fatin tanba baku ba karreta, sidadaun mane ida ne’ebé akompanha ne’e sofre kanek, oras ne’e lori ona ba Ospitál Nasionál Guido Valadares (HNGV)”. Nia informa
Hafoin asidente ne’e mosu, Polísia Nasionál Timor-Leste (PNTL) to’o kedas fatin akontesimentu hodi halo identifikasaun ba kauza hosi asidente ne’e.
Jornalista : Dircia Baptista Belo