Benedictus : TAIS Foku Ba Dijitalizasaun, Inovasaun & Ekonómiku
Imajem : CEO Telkomcel Benedictus Ardiyanto Priyo realiza komunikadu imprensa iha Salaun Multiozu GMN Dili,27/02/2025
SAPNewsTL, Díli — Hametin Komitmentu ba Inovasaun no Transformasaun Dijitál iha Timor-Leste, operador Telkomcel organiza eventu Telkomcel Annual International Summit (TAIS sigla English) 2025, hodi apoiu kreximentu dezenvolvimentu teknolojia modernu.
Tuir Chief Executive Officer Telkomcel (CEO-T) Benedictus Ardiyanto Priyo hateten, Telkomcel afirma fali ninia kompromisu atu enkoraja inovasaun no aselera transformasaun dijitál iha Timor-Leste liu husi organizasaun, Telkomcel Annual International Summit (TAIS) 2025. Nu’udar fornesedór servisu telekomunikasaun prinsipal iha Timor-Leste, hodi kontinua fornese ekonómiku no solusaun dijitál inovativu hodi suporta kreximentu dezenvolvimentu nasionál bazeia ba teknolojia.
“Telkomcel hanesan operador ida ne’ebe iha nia iha komitmentu hodi apoiu kreximentu dezenvolvimentu teknolojia modernadu ne’ebe global, nune’e TAIS 2025 ho tema Hametin Komitmentu ba Inovasaun no Transformasaun Dijitál”. Dehan CEO Telkomcel Benedictus Ardiyanto Priyo liu husi Komunikadu Imprensa ba Jornalista sira iha Salaun Multi funsional GMN Bebora, Quinta (27/02/2025)
CEO Telkomcel Benedictus aprofunda,
TAIS 2025 nu’ udar plataforma estratéjiku ida ne’ebé halibur parte interesada sira governu hodi diskute no kolabora hodi aselera hosi setór teknolojia, negósiu dijitalizasaun iha Timor-Leste. Eventu ida-ne’e aprezenta inisiativa oioin no oradór prinsipál sira ne’ebé sei fahe hanoin kle’an kona-ba tendénsia no estratéjia sira transformasaun dijitál nian ne’ebé aliña ho vizaun dezenvolvimentu nasionál.
“Destake prinsipál ida husi TAIS 2025 ne’ebe mak ami husi Telkomcel maka Digital Startup Showcase, ne’ebé hatudu startup teknolojia prinsipál sira husi Indonézia, hanesan Cakap, Good Doctor, Nodeflux, no Widya Robotics”.
Partisipante sira ne’ebé vizita stand sei hetan oportunidade atu esplora solusaun dijitál inovativu sira no interasaun diretamente ho inovador sira iha startup refere” Tenik nia.
TAIS 2025 aprezenta eventu interesante lubuk ida, inklui: The First Digital Startup Showcase in Timor Leste – Exhibition Vision Artificial Intelligience (AI), Health Tech Platform, dan Facial Recogntion Artificia Intelligience.
Telkomcel Household Internet Broadband Access Solution Business Talk- Diskusaun painél ho lider indústria no peritu teknolojia ho títulu “Timor Leste Digital Connectivity: Driving Innovation Empowering Generation” Telkomcel Awards – Prémiu ba kliente no parseiru estratéjiku sira ne’ebé kontribui ba dezenvolvimentu dijitalizasaun iha Timor-Leste.
Aleinde ne’e, Telkomcel mós hato’o apresiasaun ba jornalista sira ne’ebe kompete iha kompetisaun Jornalista Hakerek Award – Apresiasaun ba jornalista sira ne’ebé ativu kontribui ba notisia kona-ba Teknolojia no dijitalizasaun, entrega simbóliku ba programa Uma Domin konstrusaun uma servi no komitmentu ESG Telkomcel nian hodi hakbiit komunidade iha Manleu ho kongregasaun Jesus Futar Fuan Domin.
Benedictus Ardiyanto Priyo, subliña katak TAIS 2025 hanesan manifestasaun real ida husi kompromisu Telkomcel nian hodi enkoraja inovasaun hodi hakbiit nasaun, tuir slogan “Empowering Innovation, Empowering the Nation”
“Ami fiar katak inovasaun maka xave atu hari’i futuru dijitál ida ne’ebé di’ak liu, liu husi TAIS 2025, Telkomcel hakarak hametin kolaborasaun ho parte oioin hodi kria ekosistema dijitál ida ne’ebé inkluzivu no sustentável, hanesan parte ida husi esforsu atu enkoraja inovasaun dijitál, Telkomcel introdús Telkomcel Digital, kompetisaun startup dijitál lokál dahuluk iha Timor-Leste”.
Nia akresenta, Programa ida-ne’e ho objetivu atu hetan no hakbiit talentu lokál sira ne’ebé iha potensiál boot hodi harii ekosistema dijitál ida ne’ebé kompetitivu. Iha Telkomcel Digital nia kotuk, iha figura Kay Olok Gusmão, joven kreativu ida ne’ebé hetan konfiansa nu’udar Youth Ambassador. Iha ninia knaar, Kay sei inspira Timor-Leste nia jerasaun foin-sa’e sira atu halo inovasaun iha mundu dijitál no lori impaktu pozitivu ba komunidade.
Uma Domin ka uma servi ne’ebé hari’i husi Telkomcel sai mós highlight iha eventu TAIS 2025, kolabora ho kongregasaun Jesus Futar Fuan Domin, Telkomcel fornese uma servi no aprendizajen ba labarik sira ne’ebé presiza iha área Manleu.
Tuir mai, funsionáriu Telkomcel mós sei fornese aprendizajen hahú hosi digital skills, IT, marketing, no koñesimentu relevante sira seluk atu bele aprende iha era dijitál.
Telkomcel mos kompremetidu sei intensifika asuntu ekosistema iha Timor-Leste nu’udar pasu importante ne’ebe sai planu ba implementasaun iha tinan 2025, Liu husi TAIS 2025, Telkomcel la’ós de’it kompromete atu aprezenta solusaun teknolójiku sira ne’ebé foun maibé mós atu kria ekosistema dijitál ida ne’ebé hakbiit sosiedade. Pasu ida ne’e aliña ho misaun Telkomcel nian atu kontinua fó kontribuisaun real ba komunidade sira no dezenvolvimentu iha Timor-Leste.
Benedictus hatutan, Telkomcel nu’udar fornesedór servisu telekomunikasaun prinsipál ida iha Timor-Leste, asume papel ne’ebé importanti konfiável hodi dudu solusaun dijitál, Telkomcel la`ós de’it hatán ba nesesidade komunikasaun pesoál, maibé mós aumenta produtividade negósiu no apoia setór governu nian.
“Telkomcel kompromisu atu aselera dijitalizasaun no kapasita komunidade sira, Telkomcel lansa ona programa no inisiativa oioin ne’ebé fó apoiu ba dezenvolvimentu ekosistema dijitál iha Timor-Leste. Empreza sente orgullu tebes ho diversidade hosi nia funsionariu sira, ho 95% hosi Telkomcel nia empregadu liu 200 maka talentu lokál, no 75% hosi pozisaun jestór sira okupa hosi oan-mane no oan-feto sira ne’ebé mellor ka diak husi Timor-Leste.
Telkomcel mós apoia igualdade jéneru, ho funsionáriu feto 50%, ne’ebé hatudu ninia kompromisu ba inkluzividade no dezenvolvimentu lideransa. Ho fundasaun ne’ebé metin iha inovasaun, empoderamentu lokál no igualdade jéneru, Telkomcel kontinua sai nu’udar motor xave hodi forma futuru dijitál ba Timor-Leste.
Entretantu, eventu TAIS 2025 iha mos oradór prinsipál sira hanesan Kay Rala Xanana Gusmão, Primeiru-Ministru Timor-Leste, Abdul Rahman Ansyori, Chief Technology Officer (CTO) Telin, Adir Ginting, Head of Enterprise Google Indonesia, no Tomy Yunus, CEO & Co-Founder Cakap.
Sira fahe hanoin sira iha sesaun Business Talk ho títulu “Timor-Leste Digital Connectivity: Driving Innovation, Empowering Generation”, ne’ebé diskute kona-ba papél konetividade dijitál hodi dudu inovasaun no hakbiit jerasaun sira iha futuru.
Jornalista: Marcela Mery Da costa & Dircia Baptista
