MPIE Lansa Planu Estratéjia 2025-2029 ! “Orgullu Serví Nasaun Ho Onestidade & Umanidade”
Imajem : Lansamentu Planu Estratéjia MPIE 2025-2029 iha Aitarak-Laran, 28/02/2025
SAPNewsTL, Díli — Ministériu Planeamentu Investimentu Estratejiku (MPIE sigla Portugués) ofisialmente lansa planu investimentu estratéjiku Timor-Leste, 2025-2029 no portal Ministériu Planeamentu e Investimentu Estratéjiku iha jornada sustentável no inklusivu.
Ministru Planeamentu Investimentu Estratejiku Gastão Francisco de Sousa hateten, Planu Estratéjiku 2025-2029 nu’udar roteiru komprensivu ida ne‘ebe mak dezenvolve liu hosi konsultasaun extensivu hodi defini no hatur prioridades no estratéjias principais ba tinan lima, ho planu ne’ebe integradu liu husi implementasaun MPIE iha territóriu nasionál.
“Serimonia lansamentu ne’e ho tema “Orgulhu Servi ba Nasaun” “Ami Serbisu ho Integridade, Honestidade, Profissionalismu, Humanidade, no Kreatividade, entaun tuir planu estratéjiku 2025-2029 foku ba area estratéjiku ha’at (4) – ordenamento territériu, planeamentu integradu no investimentu estratéjiku, dezenvolvimentu infraestrutura, fo dezenvolvimentu institusional”. Dehan Ministru Planeamentu Investimentu Estratejiku ba Jornalista sira iha Salaun Ministériu Finansas Aitarak-laran, Sexta (28/02/2025)
Governante ne’e afirma, realizasaun lansamentu planu investimentu estratéjiku (PIE) ho objetivu atu kondus kresimentu sosioekonómiku transformativu no hadi’a kualidade moris sidadaun hotu-hotu, tuir komprimisiu Ministériu Planeamentu Investimentu Estratejiku ho vontade atu serbisu ho profisionalismo kriatividade no integra dadus ho seguru.
“Ministériu Planeamentu mos kompremetidu oinsa intensifika setor infrastrutura hodi asegura planu integradu sira, nune’e lansamentu planu 2025-2029 hanesan ami nia elaborasaun ne’ebe aprezenta Ministériu Planeamentu Investimentu Estratejiku, hala’o”.
Ministru MPIE realsa, planu ida-ne’e nu’udar planu estratéjiku dahuluk ne‘ebé MPIE elabora hodi reprezenta MPIE nia kompromisu iha dezenvolvimentu setór infraestruturas, asegura planeamentu integradu no investimentu estratéjiku hodi aselera kreximentu ekonémiku ida sustentével no inovativu hodi kria futuru ida ne’ebé prósperu ba ita nia nasaun Timor-Leste”.
“Vizaun MPIE hatur bazeia ba vizaun global husi Planu Estratéjiku Dezenvolvimentu 2011-2030 no enfaze importansia ba planu estratéjiku ne’ebe mak hatur vizaun ida klaru no estratejia sira adekuadu atu bele guia ita nia implementasaun progresu sira hodi responde ba dezafius dezenvolvimentu nasional no global”
Kapitaliza oportunidade sira hodi mitiga risku husi impaktu global hanesan politika no mudansa klimatika, Panorama global hatudu mudansa ida ne‘ebé lais tebes tanba ne‘e mak importante tebes atu elabora planu estratejiku nu’udar dokumentus estratéjiku ida hodi guia ministérru responde ba demanda dezenvolvimentu només mitigasaun ba riskus, liu-liu atu orienta governu hodi responde ba tendénsia global no situasaun inserteza ihe futuru ho rezidensia no estratéjkus.
Enkuantu tuir Planu estratéjiku ne‘e hatur objetivu prinsipais hirak mak hanesan.
1. Dezenvolvimentu territériu ida ekilibru, integradu no sustentével hodi hasa‘e kualidade ” moris ema nian inklui defeza no valoriza patrimoniu kultural no natural,
2. Dezenvolve enkuadramentu planeamentu integradu ba médiu no longo prazu hodi kontribui ba kresimentu sosioekanómiku.
3. Melhora no promove ambiente investimentu ida amigavel no seguru hodi atrai investor nasional no internasional investe iha setor produtivu no estratéjiku sira.
4. Melhora kualidade infraestrutura públiku hodi kontribui kresimentu sosioekonomiku.
4. Setor públiku ida mak moderna, profissional, kompetente, transparante no kontabilidade hodi
fo prestasaun servisu ba públiku ho kualidade.
Lansamentu Planu Estratejia MPIE 2025-2029
Aleinde ne’e tuir planu interadu 2025-2029, Ministériu mos lansa website oficial ne’ebe mak dezenha ona bazeia ba nesesidade ministériu nian no servi hanesan portal hodi aktualiza no sosializa informasaun kona ba ministériu nia aktividades no eventu sira ne’ebe
mak realiza iha nivel, regional, nasional no internasional inklui publikasaun ba dokumentu sira mak MPIE dezenvotve hanesan leis, politikas no estudus sira.
“Website ofisial ne’e dezenvolve no estabelese atu garante transparênsia no akontabilidade nu’udar meius ida ba komunikasaun entre governu, ajénsias nasionais no internasionais no mos sosiedade em jeral”.
Ministru MPIE hatutan, Portal ida ne’e disponivel iha lian tolu hanesan lingua Tétum, Portugés no Inglés no konsiste ho menu prinsipal 4 hanesan 1. Perfil (Kona-ba Ami, Ministru, Misaun no Vizaun, Diresaun no Organizmu).
2. Plano no Programa (Planu edtratéjiku MPIE inklui planu no orsamentu anual MPIE nian)
3. Publikasaun (Relatoriu servisu, estudus no Legislasaun).
4, Multimedia (Notisia, Diskursu, Foto Quote/Situasaun, Galeira Foto, Galeria Video, Middia Sosial).
Entretantu, serimónia lansamentu ne’e partisipa husi Vice-Primeiru Ministru, Ministru Kordenador Asuntu Sosiál no Ministru Dezenvolvimentu Rural no Habitasaun Komunitaria, Mariano Assanami Sabino, Ministru Planeamentu Investimentu Estratejiku, Gastão Francisco de Sousa, Ministra Finansas, partisipasaun husi membru parlamentu nasional, parseiru dezenvolvimentu sira, membru Govermu sira, diretor jeral no diretor nasional sira husi linha ministerias, no media nasional sira.
Jornalista: Guilhermino Ramos da Cruz
