Serenity Cup 2025 ! Filipina Fo Golu 7 Ba Timor-Leste
Imajem : Jogador Feto Timor-Leste no Filipina Iha Estadiu Vietnam, 07/08/2025. Foto : Média FFTL
SAPNewsTL, Vietnam : Association South East Asia Nations (ASEAN) Women’s Championship Msig Serenity Cup™ 2025 ne’ebe hala’o iha Vietnam, selesaun Philippines halakon selesaun Timor-Leste ho 7 a 0.
Tuir informasaun ne’ebe SAP News TL asesu liu hosi página FFTL haktuir katak Ekipa Selesaun Nacional Timor-Leste Feminino Senior hetan derrota kontra selesaun Filipina ho eskor 0-7
Durante jogu, iha faze dahuluk selesaun Philippines halo golu haat 4, tuir mai, iha faze daruak aumenta golu 3 ba Timor-Leste hodi muda ba eskor 7 a 0 iha ASEAN Women’s Championship Msig Serenity Cup 2025.
Órariu ba Ekipa Selesaun Nacional Timor-Leste Feminino Senior Iha Jogu Women’s Championship MSIG Serenity Cup 2025 ne’e realiza iha Vietnam.
Tuir órariu officiál, iha loron 07 Agostu, Ekipa Selesaun Nacional Feminino senior Timor-Leste joga hasoru uluk ekipa Filipina (0-7), loron 10 Agostu sei hasoru Myanmar, no loron 13 Agostu 2025 sei joga hasoru Australia.
Jogu Asean Women’s Championship MSIG Serenity CUP™ 2025, Vietnam mak sai uma na’in, nune’e Timor-Leste tama iha grupu B hodi hamutuk ho Filipina, Myanmar, no Australia.
