Kandidatu Selesionadu 2.186 Sei Tuir Entrevista Ho Inglês, La Pasa Hein Oportunidade Seluk
Imagem : Diretor Jeral SEFOPE Carlito do Rosário anunsia resultadu vaga online Nova Zelândia iha Kaikoli, 20/10/2025
SAP News, Díli : Sekretariu Estadu Formasaun Profissional no Emprego (SEFOPE) hamutuk ho Embaixada Nova Zelândia iha Timor-Leste anunsia ofisialmente resultadu vaga online ba servisu iha Nova Zelândia total kandidatu hamutuk 2.186 pasa selesaun dokumentu.
𝐌𝐚𝐫𝐜𝐢𝐚𝐧𝐚 𝐝𝐚 𝐂𝐨𝐧𝐜𝐞𝐢𝐜𝐚𝐨 “𝐋𝐚𝐬𝐚𝐦𝐚” – Mídia Sapnews
Kandidatu trabalhador hamutuk 20.589 mak aplika iha vaga online Nova Zelândia, entre sira, kandidatu trabalhador ne’ebe pasa iha prosesu selesaun dokumentu hamutuk 2.186.
“SEFOPE halo selesaun dokumentus bazeia ba rekezitu ne’ebe empregador hakarak, Kandidatu ne’ebe priense rekezitus hamutuk 2,186 maka pasa iha selesaun dokumentus”.
“SEFOPE sei halo entrevista ba kandidatu ne’ebe pasa ona, atu bele hatene kandidatu sira nia nivel iha lingua Inglés hodi halo preparasaun ka lista ba kandidatu sira, nune’e empregador husi Nova-Zelándia presiza dadus ne’e mak ita sei fornese ba sira no sira sei halo prosesu ikus tuir sira nia rekezitu”. Hateten Diretor Jeral SEFOPE Carlito do Rosário iha Kaikoli, 20/10/2025.
Click iha nee hodi hare naran no Orariu Teste:
http://dnee.sefope.gov.tl/…/RSE-Timor-Leste-Successful…
Totak kandidatu tuir kada munisípiu maka hanesan Munisipiu Aileu hamutuk 135 kompostu hosi Mane 86 Feto 49, Ainaro 165 kompostu hosi Mane 108 no Feto 57, Atauro 8 Mane hotu, Baucau 257 kompostu hosi ane 160 no Feto 87, Bobonaro 199 kompostu hosi Mane 156 no Feto 43.
Tuir mai, Munisipiu Covalima 128 kompostu hosi Mane 95 no Feto 33, Dili 327 kompostu hosi Mane 211 no Feto 116, Ermera hamutuk 151 kompostu hosi Mane 115 no Feto 36, Lautem hamutuk 211 kompostu hosi Mane 147 no Feto 64.
Munisipiu Liquiça hamutuk 58 kompostu hosi Mane 44 no Feto 14, Manatutu hamutuk 100
kompostu hosi Mane 68 no Feto 21, Manufahi hamutuk 60 kompostu hosi Mane 47 no Feto 27, RAEOA hamutuk 33 kompostu hosi Mane 30 no Feto 3, Viqueque hamutuk 329 kompostu hosi Mane 235 no Feto 94.
Tuir dadus halo ne’ebe SEFOPE anunsia hatudu katak munisipiu Viqueque rejista kandidatu pasa barak liu, hafoin Dili no Lautem.
Hafoin anunsia rezultadu no naran ba públiku, SEFOPE sei prepara oráriu ho nia mekanizmu iha tempu besik.
“SEFOPE sei taka sai naran ba aplikante sira nia naran iha website no plataforma Facebook”. Dehan DJ SEFOPE
Carlito sublinha, “mekanizmu entrevista ho lian Inglés, kandidatu sira sei aprezenta dokumentus original, nune’e bele konfirma dokumentus ne’ebé sira uza aplika ne’e original ka lae”.
Entevista ne’e parte SEFOPE maka sei halo hodi prepara kandidatu sira ne’ebé ho kualifikadu iha lian Inglés hafoin ita fornese ba empregador tanba selesaun ne’e bazeia ba rekezitu sertifikadu inglês pre-intermédiu.
“Ita sei prepara lai sira ne’ebe liu ona selesaun ne’e, iha aplikasaun ne’e rekezitu mínimu tenki iha sertifikadu pre-intermédiu, foin hahú ita tenki fo ema ne’ebe kualifikadu liliu iha nivel inglês”.
Nune’e, kandidatu selesionadu sira sei tuir teste entrevista iha lian inglês, hafoin sei ba servisu iha nasaun Nova Zelândia tuir nesesidade empregador sira-nian.