Ekipa Konzunta Prende Fugetes Hamutuk Shot 8 Husi Dirigente SNI Na’in 2
Imagen: Ekipa konzunta prende fugetes hamutuk shot 8 husi dirijente SNI balun iha Liquiça, 10/11/2025. Foto : Média PNTL
SAPNewsTL, Díli : Autoridade Forsa Konjunta, Polísia Nasionál Timor-Leste (PNTL) Munisípiu Likisá ho FALINTIL-Forsa Defeza Timor-Leste (F-FDTL) prende ona fugetes 8 shot hamutuk lolon 108 ilegal.
“Autoridade Forsa Konjunta, Polísia Nasionál Timor-Leste (PNTL) Munisípiu Likisá ho FALINTIL-Forsa Defeza Timor-Leste (F-FDTL) iha Sabadu loron 08/11 tuku 18:38 Otl prende fugetes 8 shot hamutuk lolon 108 ilegal, deskonfia dirijente nain rua husi Servisu Nasionál Intelijensia (SNI) tama mai Territoriu Timor-Leste”. Sita média PNTL, Díli, 10/11/2025
Sasán kontra bandu ne’e, deskonfia dirijente nain rua husi Servisu Nasionál Intelijensia (SNI) ho naran inisial OCG no AJdRX, sosa iha Atambua Indonézia, utiliza karreta Marka Baic ho Sapa Matrikula 05.424 G mak tula fugetes refere.
Bainhira fila husi Rejiaun Administrativa Espesial Oe-kussi Ambenu(RAEOA) liu hosi Fronteira Terrestres mai Kapitál Dili, hafoin forsa konjunta PNTL ho F-FDTL halo operasaun konsege identifika sasán kontra bandu hirak ne’e foti medidas halo kedas apreensaun iha Aldeia Ediri, Suku Vatuvou, Postu Administrativu Maubara Munisípiu Likisá hodi submete ba prosesu identifikasaun.
Bainhira forsa konjunta halo apreensaun ba evidensia sasán kontra bandu hanesan fugetes ho karreta ne’ebé dirijente SNI nain rua utiliza ne’e kontinua entrega ba parte Servisu Investigasaun Kriminál Munisípiu Likisá hodi submete ba prosesu identifikasaun tuir lei ne’ebé vigora iha Timor-Leste.
Dadaun ne’e Servisu Investigasaun Kriminál Munisípiu Likisá halo prosesu ba sasán kontra bandu hirak ne’e rejista ona ho NUK, 0068/25.LIMBR, kontinua aprezenta ba Ministeriu Públiku (MP) hodi kontinua prosesu ba oin tuir lei.
Imagen: Ekipa konzunta prende fugetes hamutuk shot 8 husi dirijente SNI balun iha Liquiça, 10/11/2025. Foto : Média PNTL