PNTL Kaptura Autor Komete Abuzu Sexual ! JU,S Kondena Ema Ne’ebe Rai & Fahe Video

Sapnews Pro, Díli : Bazeia ba vídeo ne’ebé sirkula iha mídia sosiál ho imajen abuzu seksuál koletivu, PNTL (Polisia Nasional Timor-Leste), liu hosi Ekipa Makikit, kaptura ona foinsa’e na’in 4 tanba envolve kazu abuzu seksual hasoru vitima FCL (16) ne’ebe kategoria menoridade.

Hafoin simu keixa no hetan faktus no evidensia hosi vitima, ekipa servisu halo kedas kordenasaun ho ekipa sub seksaun VPU (Vulneravle Person Unit), Munisipiu Dili iha loron sesta feira, 16 janeiru 2026 oras 14:00 otl, no parte investigador VPU kontaktu kedas ba vitima FCL no-mos sasin TBCX (16) mai iha fatin VPU hodi presta deklarasaun, buka tuir suspeitu sira ne’e no ikus mai konsege asegura adolesente mane na’in 4 iha sira-nia hela fatin.

Iha prosesu kapturasaun ne’e ekipa servisu halo esplikasaun ne’ebé konvensidu ba família suspeitu sira atu koopera ho diak hodi la mosu dezentendementu entre família ho autoridade seguransa tanba kazu ne’e envolve labarik sira maioria estudante deit.

“Suspeitu hirak ne’e maka hanesan CON alias A (19), JMPA alias M (18), JGFPS alias F (17), GAP alias A (19), JPR alias G (18), suspeitu refere ba eskola ona iha Indonezia”. Sita Média Serviços Relações Públicas, Díli, 20/01/2026

Hafoin asegura suspeitu nain-4, ekipa servisu transporta no entrega kedas suspeitu sira ba iha VPU (Vulnerable Person Unit) tutela Servisu Investigasaun Kriminál (SIK) Munisípiu Dili, hodi halo prosesu investigasaun nune’e bele hatene motivu hosi akontesementu ne’e.

Tuir informasaun ne’ebe SAPNews asesu katak kazu abuzu seksual ne’e akontese iha loron 29 fulan Outubro 2025 wainhira vítima lanu no dukur ona. Hafoin vídeo viral iha loron 16 fulan Janeiru 2026.

Entretantu JU,S Jurídico Sosial reprezenta vítima labarik iha vídeo ne’ebé sirkula iha mídia sosiál ho imajen abuzu seksuál koletivu hosi mane hasoru labarik feto.

1) sé mak kaer (rai) vídeo refere komete pornografia infantil, no bele hetan pena prizaun tinan 3 to’o 10 (art. 176 KP)

2) sé mak fahe vídeo refere komete mós krime devasa ho pena prizaun to’o tinan 1 (art. 183 KP)

3) sé mak husu atu asesu vídeo refere komete tentativa pornografia infantil ne’ebé bele hetan pena prizaun fulan 7 to’o tinan 3 fulan 4 (art. 176 KP hamutuk art. 23 no 24 KP)

JU,S Jurídico Social halo monitorizasaun ba rede sosiál hotu – inklui tiktok, youtube no FB – hodi identifika ema hotu ne’ebé fahe vídeu, kaer vídeu no husu atu asesu vídeo.

Se ita-boot kaer/rai vídeo hamos agora !

Prosesu krime hasoru mane abuzu labarik feto hahú ona ho PNTL, inklui ba sira ne’ebé halo video no espalla uluk. Ema idaidak responsabiliza ba idaidak nia hahalok.

JU,S Jurídico Social mós halo ona pedidu ba polísia atu identifika profile FB no youtube ne’ebé fahe no husu asesu ba vídeo.

Labarik ida ne’ebé hetan abuzu seksuál la’ós produtu konsumu públiku. Ne’e abuzu no pornografia labarik.

Ema halo krime, JU,S Jurídico Social sei ezije responsabilizasaun krime no sivil.

Kódigu Penal – art. 176

Artigu 176 Pornografia infantíl

1. Ema ne’ebé, ba fim predominantemente seksuál, expoem ka reprezenta ema ne’ebé seidauk iha tinan 17 halo aktividade seksuál, reál ka simulada, ka, ho meiu naran ida, ezibe aktividade ne’e ka menór nia órgaun seksuál sei hetan pena prizaun tinan 3 to’o tinan 10.
2. Pena ida ne’e sei aplika mós ba ema ne’ebé prodúz, fahe, difunde, importa, exporta, fa’an, detein meiu ba komunikasaun, instrumentu, dokumentu ka rejistu ba fim referidu iha númeru anteriór ka atu divulga 94 aktu sira- ne’e.

Código Penal – Art. 176

Artigo 176 Pornografia infantil

1. Quem utilizar, para fins predominantemente sexuais, expuser ou representar menor de 17 anos de idade no desempenho de qualquer actividade sexual, real ou simulada, ou por qualquer outro meio exibir aquela actividade sexual ou os órgãos sexuais do menor, é punido com pena de prisão de 3 a 10 anos.
2. A mesma pena é aplicável a quem produzir, distribuir, difundir, importar, exportar, oferecer, vender ou detiver qualquer meio de comunicação, instrumento, documento ou registo para os fins referidos no número anterior ou com a finalidade de divulgar tais actos.