Meza Redonda Ba Esbosu Lei Protesaun Dadus & Privasidade ! FHT Prefere Implementa Lei Sibernétika

Imajem : Diretór Ezukutivu Fundadsaun Hadomi Timor (FHT),  Abrão Monteiro iha Kasian Room,  Pantai Kelapa, Dili, Tersa-Feira (20/01/2026).

SAPNewsTL, Díli: Fundasaun Hadomi Timor (FHT), hamutuk ho The Asia Foundation no Sosiedade Sivil sira realiza meza redonda kona ba esbosu lei protesaun dadus no privasidade, durante diskusaun FHT prefere implementa  lei sibernétika hodi defende direitu sidadaun iha era dizitalizasaun.

Johanes Estanislau Freitas & Marcela Mery – SAP News TL

Tuir Acting Country Representative, The Asea Foundation Iha Timor-Leste Heidi Arbuckle, hateten era teknologia tranzisaun digital  oferese  oportunidade boot ba servisu esensial sira maibe iha mos risku tamba Timor-Leste seidauk iha Lei ne’ebe mak atu proteje ba ema-nia dadus.

“Tranzisaun digital iha era agora sei oferese  oportunidade atu asessu ba servisu, nune’e mos servisu governu nian ne’ebe barak sei muda ba online hanesan informasaun pessoal  sensivel barak ne’ebe rai no fahe iha forma digital tamba ne’e bainhira la iha salva guarda ne’ebe forte iha espansaun digital ida ne’e, sei iha aumenta risku ba utilizasaun sala asesu ba kontralizadu no ataka ba sibernetiku ne’ebe hamosu amensa signifikativu ba seguransa dadus sidadaun sira nian no ba konfiansa publiku iha sensitivu digital sira ” Dehan Acting Country Representative, The Asea Foundation Iha Timor-Leste Heidi Arbuckle, iha Kasian Room,  Pantai Kelapa, Dili, Tersa-Feira (20/01/2026).

Nia haktuir The Asia Foundation iha posibilidade atu ajuda governu, ONG no sosiedade sivil ne’ebe halo ona esforsu ba Legislasaun sira hanesan proposta lei protesaun dadus pessoal.

“Fundadaun Asia iha komitmentu atu ajuda sosiedade sivil, media no organizasaun akademiku sira atu halo papel iha diskusaun sira hanesan ne’e, ita bo’ot sira-nia prespetiva sira bele ajuda atu identifika impaktu sira ho intensaun legislasaun ne’ebe propoin hatudu lakuna sira no asegura katak politika sira ne’e bele responde ba nesesidade Timor oan sira-nian ” nia Haktuir

Iha fatin hanesan, Diretór Ezukutivu Fundadsaun Hadomi Timor (FHT),  Abrão Monteiro haktuir, diskusaun meza redonda ne’e hodi ko’alia  kona-ba esbosu lei protesaun dadus no privasidade

“Atu bele proteze sidaduan nia direitu liliu ba  dadus privadu sira ne’ebé governu no setor privadu sira rekolla, bainhira la iha esbosu lei atu proteje sei iha potensia hodi bele viola dadus ne’ebé mak sira rekolla liu hosi plataforma dizital”  Diretór ezekutivu  hadomi Timor salienta

Diretór ne’e mós hateten, mekanizmu hodi hari’i konfiansa publiku ba Sistema governu nian mak tenke implementa lei sibernetiku.

“Oinsa mak bele hari’i konfiasa públiku ba plataforma dijital ne’ebé mak eziste, liliu ita-nia governu hahu opta ona ba governu eletroniku hotu-hotu ne’ebé mak agora dizitalizasaun, oinsa mak atu bele hari’i konfiansa sidadaun sira-nia iha sistema dizitalizasaun maibé tenke iha lei ida ne’ebé mak proteze sidadadaun sira-nia dadus”. Tenik nia

Enkuantu iha diskusaun meza redonda ne’e partisipa husi Representa Ministériu Justisa, Diretór ezekutivu Fundasaun Hadomi Timor Abrão Monteiro ” Nicho Linux”, Diretór Nasionál PCIC,  Diretur Nasional PCIC Vicente Fernandes e Brito, Diretora JSMP Ana Paula, Diretor Interinu IDN