Na’i Lulik Residensial Fatuberliu, Pe. Anibal Hakotu Nia Jornada Iha Mundu

Imajem : Pe. Anibal da Costa Miranda

SAPNewsTL : Na’i-Lulik Residencial iha Estação Missionária do Sagrado Coração de Jesus Fahinehan, Paróquia Fatuberlio, Pe. Anibal da Costa Miranda, hakotu iis iha ospital Same, wainhira hala’o hela tratamentu ba nia saúde.

Tuir komunikadu ne’ebe Sapnews.com asesu liu hosi Página Oficial Arquidiocese Metropolitana de Dili haktuir katak Padre Anibal da Costa Miranda, hakotu iis iha ohin (06/05/2026) madrugada 05:30 iha Ospital Same, munisípiu Manufahi.

“Arquidiocese Metropolitana de Dili liu husi meiu ida ne’e hakarak fo hatene katak ohin iha Hospital Same, Pe. Anibal da Costa Miranda, fila hikas ona ba Aman Maromak nia kadunan santu. Ita harohan ba Amo Anibal da Costa Miranda ninia deskansa eterna”.Sita Página Oficial Arquidiocese Metropolitana Dili, 06/04/2026.

Oras ne’e, Maktoban nia mate isin sei iha hela Paróquia Same, Vigararia Manufahi hodi halo misa requem ba matebian Saserdote Anibal da Costa Miranda, tuir mai aban sei vizita nia uma iha Kami-Laran (Same).

Tuir agenda, aban dader (09:00) sei translada mate isin husi Same mai iha Sé Katedral Dili no hatoba durante kalan ida hodi fo biban ba sarani sira hodi halo orasaun no misa.

Hafoin sei halot Matebian Saserdote Anibal da Costa Miranda ba nia deskansa fatin ikus iha Cemitério dos Padres de Maloa, Ailok-Laran, Dili, iha loron 08 Abril 2026.

Matebian Saserdote Anibal da Costa Miranda origem hosi postu administrativu Same, munisipiu Manufahi, hahu ordena sai Padre iha tinan 2007, desde simu ordenasaun saserdotal nia hala’o misaun nu’udar amu-lulik durante tinan 19, hafoin hakotu nia jornada moris iha mundu iha loron 6 fulan Abril 2026.

Matebian Saserdote Anibal da Costa ba hamutuk ho Maromak, la’o ho Maromak, hela ho Maromak iha nia naroman no nabilan rohan laek. Adeus no adeus. Obrigado barak ba dedikasaun tomak.

Foto : AMD

#peanibalmiranda #dili #padre #timorleste