Komunidade Aileba Fo Omenajem Ba Saudozu Lu Olo, Solidariza Malu Sai Kultura TL
Imajem : Edital
SAPNewsTL, Díli : Komunidade Aileba iha Kapital Dili organiza malu no hamutuk presta omenajes ikus ba Eis Presidente Repúblika Saudozu Francisco Guterres Lu Olo iha Farol Dili, 25 Junhu 2026.
Jornalista – Vinsensiu Saldanha
Komunidade aileba presta omenajem ba Saudozu Francisco Guterres Lú-Olo no fo sentidu kondolénsia ba família enlutada ne’ebe lakon aman no lider nasional Timor-Leste nian.
Saudozu Francisco Guterres “Lu-Olo” moris iha postu administrativu Ossu, munisípiu Viqueque, iha loron 7 Setembru 1954. Saudozu nu’udar veteranu, aswain funu na’in ne’ebe luta ba libertasaun patria iha tempu okupasaun indonezia to’o Timor-Leste hetan ukun rasik an.
Hafoin referendu no iha tempu independénsia, Saudozu sai Prezidente Assembleia Konstituinte iha 2001 no sai Prezidente Parlamentu Nasionál iha tinan 2002-2007.
Iha tinan 2007, Lu-Olo nu’udar Presidente Partidu Frente Revolusionáriu Timor-Leste Independente (FRETILIN) konkorre iha eleisaun prezidensiál ba periodu 2007 to’o 2012, maibé la konsege konkista vitória iha momentu ne’eba.
Tuir mai Iha tinan 2017, Lu Olo kontinua firme hodi kompete no konsege eleitu sai Presidente Repúblika Demokrátika Timor-Leste husi 20 Maiu 2017 to’o 20 Maiu 2022.
Durante nia mandatu, Lu-Olo hatudu nia lealdade, kompromisu no konsisténsia hodi defende no promove unidade nasionál, dialogu nasional, paz, estabilidade polítika, justisa no tau interese povu aas liu interese hothotu to’o mandatu remata.
Hafoin independénsia, Lu Olo hetan konfiansa no mantein lidera Partidu FRETILIN desde 2001 to’o ohin loron 21 fulan Junhu 2026 nia hakotu iis iha Malasia.
Saudozu Francisco Guterres Lu Olo ba ho Maromak, hela ho Maromak no hamutuk ho Maromak hodi sai nafatin tau matan ba povu no rai Timor-Leste. adeus no adeus. obrigadu barak ba dedikasaun tomak.
