MF Informa Osan Minarai Sa’e Ba 18,43 Biloens Iha Trimestre Daruak
Imajem : Edital
Sapnews Pro, Dili : Governu liu hosi Ministétiu Finansa fo sai Relatóriu Trimestral Fundu Petrolíferu hatudu katak osan minarai husi bilioens $18,31 aumenta ba $18,43 biloens iha Trimestre II tinan 2026.
“Balansu Fundu Petrolíferu sa’e, pur-volta US$ 122,6 miloens, husi $18,31 biloens iha Trimestre I ba $18,43 biloens iha Trimestre II 2026”. Sita Página Ministériu Finansa Timor-Leste, Dili,10/07/2026.
Mudansa iha balansu Fundu Petrolíferu mai husi:
• Rendimentu investimentu (US$ 712 miloens).
• Reseitas petrolíferas (US$ 9.6 miloens) no
• Tranferênsia ba Orsamentu Estadu (US$ 600 miloens).
Hahú husi Janeiru to’o Juñu 2026:
• Total rendimentu husi investimentu Fundu Petrolífero hamutuk US$ 610 miloens
• Reseitas petrolíferas US$ 18 miloens and;
• Transferênsia ba OJE hamutuk US$ 800 miloens.
Fundu Petrolíferu fó retornu investimentu 3,98% iha Trimestre II, rekupera fali husi monu 0,55% iha Trimestre I. Retornu investimentu husi Janeiru to’o Juñu 2026 hamutuk 3,41%.
Investimentu iha Merkadu Finanseiru fó retornu 4,05% iha Trimestre II. Karteira Kresimentu fó retornu 4,99% iha Trimestre II, impulsiona husi retornu husi asoens hamutuk 13,79%. Rendimentu Fixu iha Karteira Kresimentu fó retornu 0,44%, enkuantu Karteira Likidez fó retornu 0,55%.
Merkadu asoens rekupera fali iha Trimestre II, hafoin volatilidade relasiona ho konflitu iha Médiu-Oriente no folin mina-rai ne’ebé sa’e maka’as iha Trimestre I.
Ho tensaun konflitu nebe’e tu’un no folin mina-rai ne’ebé tu’un mós hamenus merkadu ninia preokupasaun konaba inflasaun no melhoria investor sira ninia sentimentu. Rendimentu husi empreza sira ne’ebé kontinua forte no optimizmu konaba intelejénsia artifisial fó mós impulsu ba asoens globais.
Dezenpeñu iha mandatu rendimentu fixu kahur. Ho rendimentu Tezouru EUA ne’ebé sa’e tamba inflasaun ne’ebé kontinua a’as, halo índises referénsias ba Títulus Tezouru EUA 3-5 anos no 5-10 anos fó retornu besik zero. Enkuantu Tezouros globais la’aos EUA no TIPS fó retornu pozitivu.
“Dólar EUA apresia iha meadu 2026, ho Índise DXY apresia 2,9%”. Sita iha komunikadu ne’ebe Sapnews.com asesu
Tuir dadus ne’ebe SAP News TL asesu katak to’o ohin loron Timor-Leste rejista malnutrição hamutuk 48%, Kiak Multidimensional hamutuk 42%, dezempregu 12,5%, insegurança alimentar 36%, no dependênsia OGE kada tinan kontinua makaas ba fundu petrolíferu liu hosi 70-80%.
