Seidauk Iha Uma Alternativa ! Vítima Eviksaun Toba Iha Liur & Nakukun Laran
Imajem : Komunidade afetadu eviksaun toba iha liur tanba seidauk iha uma alternativa hafoin eviksaun. Dili,14/07/2026. Foto : Pedrito Vieira
Sapnews.com, Díli : Ohin kalan komunidade Beto-Tasi ne’ebe ohin hetan evikasaun husi Sekretaria Estadu Asuntu Toponomia no Organizasaun Urbanu (SEATOU) toba deit iha liur tanba sira laiha ona uma atu toba.
“Ohin kalan komunidade Beto-Tasi ne’ebe ohin loron hetan gusur husi SEATOU, Sira fatin laiha atu toba. Toba deit iha liur”.
“Estudante sira fila husi eskola, Uma tetuk ona ho Rai. Futuru nasaun sira oho ona. Ne’e mak dezenvolvimentu ?”. Hakerek Koordenadot Rede Ba Rai Pedrito Vieira liu hosi nia konta ofisial, Dili,14/07/2026
Pedrito sublinha elite politiku ho organizasaun resistensia sira, taka matan ba situasaun ne’e, Kaum Intelek sira ne’ebe koalia makas ka gosta kanta deit iha Media Sosiál.
“Ami hein imi-nia matenek. Ema partidu sira nonok hotu kedas. Organizasaun juventude sira termasuk Ha’u-nia organizasaun RENETIL diam seribu bahasa. Maibé enkontru la para Rai. Iha enkontru sira ne’e koalia saida deit karik. Ou konta istoria masa lalu ka nostalgia. Hanesan fali ema seluk la iha istoria no sira mk luta makas liu”. Nia hakerek
Entretantu, total uma kain 215 mak afetadu husi planu eviksaun. Husi númeru ne’e, uma kain 57 seidauk simu indemnizasaun ba rai, no uma kain 4 seluk seidauk simu indemnizasaun ba rai, uma no ai-horis.
