Estimula Partidu Polítiku Iha ElPar, CNE Hahú Hametin Forsa Serbisu
Imajem : Intervista Presidenti CNE Jose A. da C. Bele Pereira iha salaun apuramentu nasional CNE Caicoli, Dili segunda (06/02/2023)
SAPNewsTL, Dili: Komisaun Nasional Eleisaun (CNE Sigla Portuges) sei hametin forsa serbisu ba eleisaun parlamentar (ELPAR) ne’ebe nasaun Timor-Leste sei realiza iha tinan 2023 hodi hili fali governu ba periodu 2023-2027.
“Ohin ne’e ami realiza wordshop ho tema forsa serbisu ba eleisaun parlamentar 2023, importante tebes ba komisariu sira iha estrutura nasional no munisipal tanba tinan ne’e ita sei realiza eleisaun parlametar atu servi diak, ita tenki iha treinamentu no exersisiu para servi ita nia partidu sira ne’ebe konkore iha eleisaun parlamentar tinan ne’e atu povu tomak hakarak fo sira nia votu no eleitor sira atu partisipa hanesan orgaun eleitoral tenki prepara ho diak haree ba situasaun sira uluk hadia diak liu tan atu hodi eleisaun tinan bele susesu no diak ba ita nia nasaun Timor-Leste”, Presidenti CNE Jose A. da C. Bele Pereira iha salaun apuramentu nasional CNE Caicoli, Dili segunda (06/02/2023)
Prezidente hatutan, agora sira hare’e ba sira nia atuasaun durante prezensa iha sentru votasaun ne’ebe oinsa atu bele serbisu ho partidu politiku sira hodi eleva sira nia partipasaun, agora mos sira serbisu hamutuk ho parte igreja, orasaun mos importante laos serbisu deit partisipasaun, espesifiku atu hadia maka komisariu sira tenki iha opiniaun hanesan ho direitor sira, liafuan ida deit tuir estadu ninian katak prezensa independenti la bele hatudu komportamentu sira ne’ebe bele kestiona husi sosiedade sira tanba sosiedade sira nia fiar ba orgaun eleitoral ne’e importante tebes tanba ne’e tenki iha hanoin no vizaun ne’ebe hanesan tuir lei
Entretantu, nia fudamenta, CNE serbisu hamutuk ho STAE, depende STAE ninia apresentasaun ba pedidu sira para sira deskuti klean ba proposta eleitor sira husi xefe suku, aldeia ho partidu politiku sira
Iha fatin hanesan Direitor CNE Munisipiu Vikeke Honorio Cruz da Silva hatete, atu implementa Atividade eleisaun ho diak presiza metodu sivika diak para konvense autor sira ativu iha eleisaun parlamentar tinan ne’e
“Ita atu implementa atividade sira ho diak ita prezisa prepara metodu sivika ida ne’ebe diak, atividade sivika ne’e rasik oinsa konvense ita nia autor sira para atu bele ativu iha prosesu eleisaun parlamentar ne’ebe sei akontese iha tinan 2023, informasaun importante liuliu lei eleisaun parlametar, ita bele fahe mos ba eleitor sira atu bele apar mos komisaun sira”, tenik diretor
Diretor akresenta, iha area geografika liga ba Munisipiu Vikeke nian iha funsionariu permanenti nain hitu maibe dadauk CNE Munisipiu Vikeke sei iha faze rekrutamentu bazeia ba numeru votasaun hakarak supervizaun ne’ebe rigor entaun prosesu ne’e sei la’o duni ho transparansia no asegura tramentu hanesan ba sidadaun hotu.
Reportajen: Ermelinda Soares