Dalan Ba Moris Diak, IADE Lansa Kompetisaun Planu Negosiu Foun
Ministru Koordenador Asuntu Ekonomiku(MKAE) Joaquim Amaral, iha Mandarin tersa (21/02/ 2023).
SAPNewsTL, Dili – Instituto de Apoio ao Dezenvolvimentu Emprezarial (IADE) realiza lansamentu kompetisaun Planu Negosiu Inovativu ( PNI) ba tinan 2023 ho tema muda o nia moris ho negosiu pekuaria.
“Ami orgullu no kontete tebes ba loron ida ohin hakat tan pasu ida ba dezemvolvimentu instituisaun nian tanba ita halo lansamentu kompetisaun planu negosiu inovativu ba tinan 2023”, dehan Diretor Ezekutivu IADE Filomen Marcelino Belo ba jornalista sira iha Mandarin tersa (21/02/ 2023).
Diretor hatutan, “tinan ida ne’e kompetisaun planu negosiu inovativu, sira muda ba pekuaria, tinan kotuk ami halo tiha ona iha setor turizmu, informasaun dadus sira hetan iha sexta bazika, agora hasoru problema tanba produsaun menus, ho razaun hirak ne’e hotu sira deside hakarak halo kompetisaun ba tinan ida ne’e, liga liu ba asuntu pekuaria, prosesu PNI karik la hanesan ho KNE hakarak informa iha ne’e katak kompetisaun planu negosiu, sai ona planu prioridade IADE nian ne’ebe kada tinan nia aumenta husi orsamentu governu”. nia akresenta
Filomeno akresenta, PNI tinan ida ne’e sei liu husi etapa ka prosesu haat ne’ebe importante los, depois lansamentu ohin, ekipa husi 13 munisipiu inklui munisipiu foun Atauro, komesa aban ba oin taka ona publikasaun, halo ona komersializasaun no mos komesa aban bele simu ona rejistasaun ba kompetisaun ba PNI, depois de etapa ida ne’e hotu muda ba etapa daruak sira sei halo selesaun ba ideia ba negosiu sira hotu inklui ona tama ba, faze formasaun ba partisipante sira, depois formasaun ba partisipante sira remata, sira sei halo tan prosesu ida ta’is tiha ba idea sira hotu sei fo tan bisnis kansalein ba sira tan
Diretor Ezekutivu IADE Filomen Marcelino Belo
Nia informa, sira sei halo apresentasaun ba juri interna IADE nian, depois ida ne’e sei tama ba faze final manan nain 10, finalidade sira tenke aprezenta ba juri ne’ebe mai husi banku, husi imprezariu sira no akademista sira, bele fo observasaun ikus mai bele hetan ona vensedor ba nivel nasional, depois de ida ne’e IADE prontu fo apoiu ba sira atu hahu sira nia negosiu, liu husi fo apoiu kapital traballu ba sira, fo apoiu ekipamentu atu hahu sira nia negosiu no fo apoiu ba sira liga ba materia ne’ebe sira presiza ikus liu fo asistensia teknika tenke susesu depois tinan rua.
Iha Fatin hanesan Ministru Koordenador Asuntu Ekonomiku(MKAE) Joaquim Amaral dehan, kompetisaun ne’e kada tinan IADE halo maibe muda mak tema deit ne’ebe konvida joven sira iha Timor-Leste hatudu talentu explora rekursu iha Timor-Leste.
“Kompetisaun PNI ida ne’e hanesan atividade normal tinan-tinan IADE hala’o tinan tinan muda mak nia tema hahu 2021 ne’ebe foti maka agronegosiu, agrokomersiu, mai 2022 setor turizmu, mai iha 2023 setor pekuaria, tema ne’ebe foti atu hodi sadik ita nia joven sira, mane no feto atu bele partispa iha eventu ida ne’e hodi hatudu sira nia talenta, sira nia matenek atu explora rekursu ne’ebe ita nia rai iha” tenik Ministru
Ministru aumenta tan, agora estadu iha ona faze ida ne’ebe atu divertifika ekonomia signifika katak hare’e ba setor ekonomia, setor produtivu ne’ebe agora sai pilar importante mak setor turizmu ho setor agrikultura, agrikultura ho dimensaun ne’ebe luan, iha pekuariu, peska nst, setor pekuaria setor ne’ebe sei oferese oportunidade boot ba Timor-Leste.
Iha fatin hanesan manan nain Rosaria E.M.J.Trindade agradese tanba ho PNI bele muda nia moris no halo nia sai independente
“Ha’u hanesan top ten ba programa PNI 2019, ha’u agradese tebes tanba partilla iha programa ida ne’e, no muda ona ha’u nia moris tanba halo ha’u sai hanesan feto ne’ebe mak independente, no mos hanorin ha’u sai feto ne’ebe mak iha komitmentu hodi halo atividade ruma, hanesan ha’u nia negosiu rasik, ha’u nia negosiu existe iha 2018 ne’ebe ha’u iha restaurante, Catering no mos fo aluga fatin iha Metiaut”, tenik Rosaria
Rosaria akresenta, “husi programa ida ne’e ha’u bele hatene saida mak planu negosiu no mos oinsa buka merkadu, tan ne’e hakarak atu motiva kolega sira seluk atu bele foti opornunidade ida ne’e, nia negosiu ne’e kiik, nia sempre mai ho prinsipiu tolu mak, fiar an ba produtu rasik, pasiensia no mos servisu makaas, enkorajem tebes ba kolega sira tu aplika PNI 2023”. nia hakotu
Jornalista : Antonio Tilman