Abuzu Sexu*l Hasoru Menoridade Iha UK ! TS Tama Prizaun Tinan 17
Imajem : TS. Foto : Cheshire Police
Sapnews Pro : Timoroan ida ho inisial TS halo manipulasaun (grooming) no abuzu seksu*l hasoru labarik ida iha Winsford hetan pena prizaun tinan 17.
Tuir informasaun ne’ebe SAP News TL asesu liu hosi cheshire.police.uk haktuir katak TS hanesan sidadaun Timor-Leste ne’ebe hela iha Liverpool Crown Court, ohin loron Sexta-feira (13 Marsu), tribunal fó sentensa tinan 17 prizaun ba nia.
“TS ho idade tinan 43 hela iha área Winsford, antes tribunal hetan nia kulpa ba krime violasaun ba labarik feto ida ne’ebé ho idade tinan 13, no mos obriga labarik feto atu partisipa iha atividade seksual. Desizaun ne’e sai hafoin julgamentu loron hitu ne’ebé hala’o iha Liverpool Crown Court no remata iha loron Quarta-feira, 21 Janeiru”. Sita cheshire.police.uk United of Kingdom, 13/03/2026.
Durante julgamentu, tribunal rona katak TS halo manipulasaun no abuzu seksu*l hasoru vítima ne’e entre 2022 no 2023, bainhira labarik ne’e halo tinan 8.
TS atrai vítima ba nia uma ho pretestu katak labarik ne’e bele uza Wi-Fi iha nia uma. Bainhira vítima tama iha uma laran, nia halo abuzu seksu*l hasoru labarik ne’e.
Hafoin, vítima ho koragem boot konta buat ne’ebé akontese ba nia ba kolega ida. Depois informasaun ne’e reporta ba polísia.
Hafoin hetan relatu ne’e, detetivu sira husi Cheshire Constabulary loke investigasaun. TS hetan interrogatóriu kona ba alegasaun sira ne’e, maibé nia nega katak nia la halo krime ruma. Maski nia nega, polísia akusa nia ho krime sira ne’e.
Hafoin sentensa sai, Detetive Konstável Ann Muldowney, ne’ebé lidera investigasaun, dehan:
“TS mak predador periguozu ida ne’ebé to’o agora seidauk hatudu arrependimentu ba abuzu seksu*l ne’ebé nia obriga labarik vulnerável ida atu sofre.”
Nia dehan Sarmento uza nia pozisaun hanesan ema boot ne’ebé fiar atu isola no manipula vítima, atu halo violénsia seksu*l grave ba labarik ne’e.
Detetive Muldowney dehan sentensa ohin loron importante tanba garante katak TS sei la bele ameasa labarik seluk tan iha futuru.
Alende pena prizaun, tribunal mos fó ba TS Sexu*l Harm Prevention Order (SHPO) tinan 10, no nia mos tenke rejista nia-an iha lista kriminozu seksu*l (Sex Offenders Register) durante tinan 10.
Detetive Muldowney mos hato’o apresiasaun ba vítima ba korajen no forsa ne’ebé nia hatudu durante investigasaun tomak, maski nia tenke trauma bainhira julgamentu hala’o.
“Tanba nia korajen, ami konsege halibur evidénsia sufisiente atu lori kazu ida ne’e ba tribunal no garante katak TS sei la hetan oportunidade atu prejudika labarik seluk.”
Polísia husi Cheshire Constabulary reafirma katak sira kontinua kompromete atu proteje labarik sira no garante katak ema sira ne’ebé hatudu perigu ba labarik sei identifika, investiga no lori ba tribunal.
Polísia husu ba ema ne’ebé sai vítima abuzu seksu*l ka hatene ema ruma ne’ebé sai vítima atu kontaktu polísia liu hosi website ka telefone 101.
Informasaun mos bele fó anonimamente liu hosi Crimestoppers iha númeru 0800 555 111.
