Adalfredo Fo Juramentu Ba Estudante Foun ! La Lori Arte Marsial Tama UNTL
SAPNewsTL, Dili : Iha orientasaun akadémika tinan letivu 2024, Dekanu Fakuldade Engenharia Siénsia no Teknolojia, Universidade Nacional Timor Lorosa’e (FEST-UNTL) Adalfredo da Silva Ximenes fo juramentu ba estudante foun sira hodi la hatudu bandalismu no la lori arte marsial tama UNTL
“Dekanu :imi jura hodi la hatudu bandalismu iha UNTL, estudante : ami jura, la hatudu bandalismu. Dekanu : imi jura la lori arte marsial tama FEST-UNTL, Estudante : ami jura hodi la lori arte marsial tama UNTL”.
Iha oportunidade orientasaun akadémika ne’e, Dekanu Fakuldade Engenharia Adalfredo da Silva Ximenes husu estudante foun sira hotu hatudu dixiplina, étika no moral tanba durante ne’e sosiedade ne’e hasoru krize etika no moral.
“Ita krize etika no moral, imi estudante foun sira tenki kombate hahalok ladiak liliu bandalizmu, regionalizmu, labele lori grupu arte marsial mai iha universidade, se imi halo buat sira ne’e, ha’u sei bolu imi nia inan aman hodi entrega hikas ba imi ba sira nia liman, tanba fakuldade ida ne’e no UNTL la permite totalmente hahalok hirak ne’e”. Tenik Dekanu FEST-UNTL Adalfredo da Silva Ximenes liu husi diskursu iha Auditorium Kampus Hera, 08/03/2024.
Adalfredo da Silva hatutan, tama iha UNTL liliu fakuldade engenharia siensia no teknolojia ne’e hanesan grasa ida, tanba bele asesu fakuldade ne’ebe iha kondisaun avansadu ba estudante sira.
“Imi tama mai UNTL, imi hetan grasa no previlejiu ida tanba tama iha fakuldade ne’ebe dizitalizadu no avansadu tebes, fakuldade ne’e iha kondisaun diak, imi tenki hatene estuda badinas, aproveita kondisaun hotu hodi fo susesu ba imi nia kursu tuir durasaun estudu”. Nia husu
Dekanu fakuldade engenharia ne’e parabeniza estudante foun sira hotu tanba bele hetan oportunidade hodi estuda iha UNTL
“Ha’u hakarak fo parabens ba imi hotu, imi konsege hetan oportunidade osan mean ne’e hodi estuda iha UNTL tanba la fasil tama maibe imi konsege tama mai”. Adalfredo da Silva Ximenes hateten.
Iha biban ne’e mos, estrutura dekanu fakuldade engenharia siensia no teknolojia ho vise dekanu nain haat apresenta perfil fakuldade, progressu fakuldade, sistema fakuldade no fo bemvindu ofisialmente ba estudante foun sira.
Enkuantu, Estudante foun sira ne’ebe konsege registu iha fakuldade ne’e hamutuk atus haat ruanulu (420), fakuldade ne’e kompostu Departamentu Enjenharia Mekánika, Sivil, Informátika, Elétronika no Elétrika, Geolojia no Pet
Jornalista : Marcela Mery da Costa