Ahi-Han Uma, Hamate Labarik Mane 1 ! Inan Aman Hamonu Matan-Ween

Imagem : Labarik mane ida ne’ebé mate nia inan kous matebian no tanis iha Nítibe,25/03/2025. Foto : Ikhung Ikhung

SAPNewsTL, RAEOA : Relasiona ho ahi-han uma ida iha aldeia Quat-Enes, suku Lela-Ufe, Sub-Rejiaun Nítibe, Rejiaun Administrativa Espesial Oecusse Ambenu (RAEOA) kalan ne’e rezulta labarik mane ida lakon vida tanba la konsege salva durante inséndiu.

Tuir informasaun mak SAPNews asesu liu hosi facebook Ikhung Ikhung informa katak ahi-han uma mais ou menuz oras haleu tuku ualu liu minutu haatnulu (20:40 kalan) hodi rezulta labarik mane ida lakon vida.

“Akontese ahi-han uma iha Oecusse (RAEOA), suku Lela-Ufe, aldeia Quat-Enes, Bairo Huak-Nutu, iha Tuku 20 : 40 kalan, que a sua alma, descansa em paz alin”. Sita fontes kredivel Ikhung Ikhung liu hosi nia konta facebook privadu iha RAEOA, 25/03/2025. SAPNews Screenshot.

To’o notisia ne’e publika, SAPNews tenta atu halo konfirmasaun ho vítima inséndiu maibe seidauk konsege tanba vítima sira sei okupadu no triste ba akontesimentu supreza ida ne’ebé nunka imajina no espera ba familia ne’e.

Imagem : Ahi-Han uma iha Suku Lela-Ufe, Nítibe, RAEOA.

Tuir imajem ne’ebé SAPNews asesu hatudu katak matebean ne’e ninia inan kous labarik hodi tanis no hakilar, matebean nia aman tau liman iha ulun hodi hamonu matan-ween inklui familia sira mai haleu, haree no tanis tanba lakon ona oan mane ida ne’ebé familia hadomi.

Matebean labarik ne’ebe ahi han ne’e hakotu iis iha lokal akontesimentu tanba familia sira la konsege salva ninia vida durante ahi-han uma ho labarik ne’e.

Notísia kompletu SAPNews sei kontinua halo konfirmasaun , hafoin sei fo sai iha oras balun tuir mai.

Jornalista : Marciana da Conceição