Ahi-Han Uma Iha Luro, Sasan Hotu La Salva
Imajem : Ahi-han mutuk uma ida iha Suku Luro, postu administrativu Luro, munisipiu Lautém, 30/08/2025.
SAP News TL, Lautém : Ohin, ahi-han uma ida derepente iha Suku Luro, postu administrativu Luro, munisipiu Lautém.
Denilia Soares – SAPNewsTL
Inséndiu ne’e akontese derepente, iha ne’ebe família sira tur iha uma sorin hodi hemu kafe no konversa.
Akontesimentu inkrível ne’e rezulta sasan uma laran no dokumentu família nian hotu la salva tanba ahi ho suar boot, difisil ba komunidade sira ne’ebe hela besik atu halo intervensaun ka hamate ahi refere.
Uma Na’in Abrão da Costa informa akontesimentu ne’e la espera, derepente ahi-han uma mak hakfodak atu hamate maibe la konsege.
“Ami hemu kafe iha liur no ko’alia hela mak derrepente ahi-han ona uma, sasan no dokumentu hotu la salva ida”. Informa Abrão da Costa ba Mídia Sapnews iha Luro, 30/08/2025.
Hafoin inséndiu, parte autoridade lokal no ekipa protecção cívil munisipiu Lautém to’o kedas iha fatin akontesimentu hodi apoia umaniráriu ba família afetadu inséndiu.
Inséndiu ne’e mosu mais ou menuz tuku 08 :00 AM, iha loron 30 fulan Agostu 2025.