Anézia Rekunhese Susesu La Fasil, Agradese Ba Inan & Aman
Imajem : Graduada Anézia B. dos Santos
SAPNewsTL, Dili : Hafoin gradua iha Universidade Nasional Timor Lorosa’e (UNTL), Fakuldade Medicina Ciência de Saúde (FMCS), Medicina Geral, Anézia B. dos Santos, hakuak imajem ninia Papa no Mama nian hodi fo agradese ba Maromak, no família sira hotu ne’ebe apoia direta no indireta durante prosesu estudu.
Marciana da Conceição – SAP News TL
“Agradese ba Maromak, agradese ba Ama no Apa ne’ebe apoia ha’u, maske ohin sira la hamutuk ho ita, maibe ha’u fiar sira ohin haksolok tanba ha’u bele hetan ona Susesu”.
“Ha’u aprende buat barak husi família sira, hanorin ha’u oinsa sai independente, fiar, esforçu, paciência, husi buat sira ne’e hotu, ida ne’ebe boot liu mak orasaun tanba orasaun mak save ba susesu, susesu ne’e la fasil, ha’u nia susesu ne’e konta mós ho kolega sira nia apoia”. Hateten Graduada Anézia B. dos Santos iha Delta, 01/08/2025
Universidade Nacional Timor Lorosa’e (UNTL) nia serimónia graduasaun ba dala XXXII ne’e ho tema “Graduados Qualificados, Responsáveis e Éticos na Era da Transformação Digitais” hodi gradua finalista rihun ida atus lima ualunulu-resin-lima (1585) iha Centro Convenções de Díli.
Magnífiku Reitór UNTL João Soares Martins, agradese ba Aman Maromak Kriadór ba grasa no bensaun ne’ebé permite bele selebra susesu ba graduadu sira-nian.
“Graduasaun reprezenta kulminasaun ba tinan barak dedikasaun no esforsu akadémiku ba estudante sira-nian no hanesan momentu solene ne’ebé universidade konfere ofisialmente grau ba estudante sira ne’ebé kumpre ona rekezitu sira no fila ba família, komunidade hanesan profisionál ne’ebé kualifikadu”, dehan Reitór UNTL João Soares Martins iha Centro Convenções de Díli, 31/07/2025. Sita Página Ofisial UNTL (Laurindo da Cruz Gomes)
Reitór UNTL ne’e dehan, graduasaun hanesan momentu tranzisaun estudante sira-nian ba merkadu profisionál hodi koloka koñesimentu ba servisu iha komunidade no nasaun nia dezenvolvimentu.
Graduasaun sesaun loron dahuluk no daruak (31/07-01/08/2025) hamutuk 1585 kompostu hosi Faculdade de Engenharia Ciência e Tegnologia (FECT) na’in 213, Faculdade de Agricultura (FAGRI) na’in 128. Enkuantu Programa de Pós-Graduação e Mestrado ho graduadu na’in 16. Faculdade de Medicina Ciência da Saúde (FMCS) hamutuk na’in 316, Faculdade de Direito (FADIR) hamutuk 32 no Faculdade de Ciências Exatas e Naturais (FCE) hamutuk na’in 8 no fakuldade sira seluk
