Anin Boot Sobu Uma Ida Iha Pune-Kuafe’u, Familia Vitima Halerik
Imajen Familia Vitima ba dezastre iha RAEOA
SAPNewsTL, RAEOA : Relasiona ho Anin ne’ebe boot akontese iha Oecusse, 10 /11/ 22 horseik Rezulta uma ida iha Aldeia Pune, Suku Usitasae, Sub-Região Oesilo Região Administrativa Especial Oecusse Ambeno (RAEOA) Hetan Estragus Total.
Tuir Vitima Antão Ulan haktuir akontensimentu Anin bot sobu uma ne’e mosu maiz ou menus tuku 3: 00 Loro kraik
“Tuku 3: 00 lorokraik mak akontese anin boot sobu uma ne’e, agora dadaun ami sei hela hamutuk ho Familia viziñu sira iha ne’e, nune’e ami bele hetan ajuda husi sira”. Hateten Antão Ulan ba Jornalista Sapnewstl Kinta, 10/ 11 / 22
Imajen Uma ne’ebe hetan estragus husi anin boot iha Pune-Kuafe’u
Vitima ba dezastre ne’e hatutan, hafoin akontese Anin boot ne’ebe sobu uma refere, iha momentu nee kedas nia hato’o ba sekretariu suku Atu nunee nia bele hato’o ba Parte Relevante hodi tau atensaun
Entretantu, tuir observasaun jornalista SAPNewsTL iha terenu nota katak uma refere anin sobu hotu kalen inklui estraga sasan uma laran, familia vitima evakua ona ba vizinhu nia uma tanba ho dezastre refere laiha kondisaun ba familia refere hodi hamahan an
Enkuantu, uma kain refere familia hamutuk ema nain tolu (3), ho akontesimentu ne’e xefe familia ne’e husu ba ministeriu solidariedade sosial, sekretara estadu protesaun sivil hodi tau matan no kore husi situsaun susar ida ne’e iha tempu badak
Jornalista : Ariqui Crisanto Colo