Antonio & Angelica Halot Iha Kuak Ida ! Oan Feto Na’in 4 Hela Ho Matan-Ween
Imajem : Imajem ona feto na’in haat ne’ebé lakon nia inan no aman tanba kauza husi mota lori. Atsabe, 28/12/2024. Foto : João Marito
SAPNewsTL, Ermera : Familia halot ona maktoban Antonio Gomes Martins & Angelica de Jesus ne’ebe lakon vida tanba mota lori iha loron 26 Fulan Dezembru 2024.
Akontesimentu udan bo’ot ne’e rezulta mota lori no halakon Antonio Gomes Martins no Angelica de Jesus nia vida iha postu administrativu Atsabe, Munisípiu Ermera.
António Gomes Martins ho nia fen Angelica de Jesus ho motor ida hala’o viajem husi uma família fen nian, hafoin mota lori sira rua, tuir mai família buka tuir no hetan sira nain rua, maibè la konsege salva sira na’in rua nia vida.
Durante serimonia funeral oan feto na’in haat hamrik ho laran susar, matan ween no laran mamuk hodi ku’a dosi no akompanha halot nia aman no inan iha loron 28 fulan Dezembru 2024.
Observasaun SAPNews iha terrenu nota katak maktoban Antonio no Angelica tau iha kaixaun rua no halot iha kuak ida deit ne’ebe fahe ba kuartu rua.
“Matebian na’in rua halot deit iha kuak ida ne’ebe fahe ba kuartu rua, serimonia funeral ne’e akompanha direta hosi ninia oan feto na’in haat”. Jornalista John Marito, iha Atsabe, 28/12/2024
Imajem : Antonio Gomes no Angelica de Jesus iha Atsabe,27/12/2024.
Fo hanoin fali katak sira nain rua hala’o viajem, wainhira fila hosi família fen nian no ida dalan mak sofre asidente hodi rezulta sira rua lakon vida.
“Hafoin fila husi uma família fen nian, to’o iha diresaun Aldeia Tapo-Mea Postu Administrativu Atsabe, udan boot ne’e rezulta akontesimentu mota boot lori sira rua no halakon sira nia moris iha mundu”. Jornalista SAPNews rekolla direta iha terrenu, Atsabe,27/12/2024.
Mate isin Angelinca de Jesus ho nia laen Antonio Martins hetan iha mota area Suku Malabe postu Atsabe, sira na’in rua mate husik hela oan feto na’in haat (4).
Maktoban na’in rua nia oan feto boot sei estuda iha banku ensinu baziku ho klase 8° anu, enkuantu nia alin nain ida seluk eskola primaria no na’i ru seluk seidauk eskola.
Jornalista: João Marito
