APC Sei Hetan Apoiu Husi UN Atende Ba Risku Dezastre

SAPNewsTL, Dili: Autoridade Protesaun Sivil APC (sigla portuges) Sei hetan apoiu husi Nasaun Unida (UN sigla ingles) no hetan peritu husi UNDRR Timor-Leste atende ba risku dezastre a’as tebes iha Timor-Leste.

“APC sei hetan apoiu husi UN no hetan peritu husi UNDRR ba Timor-Leste ba risku dezastre tanba iha 2015 Liu ba Timor-Leste hola parte iha UN nune’e ita adopta mos ba iha redusaun risku dezastre, tan ne’e ita prepara atu halo relatoriu dezenvolve ita nia planu no halo reviu ba risku dezastre ho nune’e avansa uluk konfirmasaun interna”, dehan prezidente APC Ismael da Costa Babo ba jornalista sira iha salaun Ana Lemos Caicoli, Dili sexta (31/03/2023).

Prezidente hatutan, dadus ba dezastre natural iha Timor-Leste sira sei halo konfirmasaaun interna lori ba lina ministerial no sociedade sivil sira hodi aprezenta ba konsellu ministru halo ona apresiasaun mak bele lori ba UN tanba hetan ona konvite mai husi UN ba apresenta iha Nova Yorque kona ba desafiu hirak ne’ebe atravesa, mellora desafius sira ne’e depois aumenta kapasidade no prepara politika mundial ba redasaun risku dezastre no jestaun risku para bele preparadu aprende liu husi pasadu no sei responde ba dezastre iha futuru mai ho mudansa klimatika agora ema hotu sente.

Nia informa, APC prepadu responde kualker situasaun akontese iha Timor-Leste tanba APC iha forsa traballu iha tuir kapasidade ne’ebe mak APC iha ne’ebe komandante munisipiu sira halo koordenasaun ho autoridade lokal no aproxima ho ministeriu relevante sira liu liu obras publika ho estatal hodi koordena hamutuk no reestabelese konektividade transporte publiku iha munisipiu hotu.

Ismael akresenta tan, dezastre ba ema hanesan animal fuik mak tata, mota lori, rai taka no seluk ai mak hanehan ida ne’e iha ona faze apoiu emerjensia apoiu ona, sasan estragadu ona koordena ho ministeriu relevante liu husi kanal estabelesidu atu servisu hamutuk normaliza kondisaun ne’ebe apoiu mobilizasaun emerjensia ba dezastre total numeru APC rekolla ona uma kain 900, ema mate 14 no kanek lima, iha teritoriu nasional APC rejistu ona uma kain 5000, ba sira mak hela iha area risku APC kolia ona ba sra atu sira bele muda karik sira la muda bele hetan pena sira liu husi kriminalidade no APC mos iha kompetensia obriga atu sira ses husi fatin risku sira.

Reportajen: Aquelina Magalhaes