APMT Promete Prontu Transforma Foho Ba Turizmu & Produz Osan Rasik
SAPNewsTL, Dili : Partidu Assosiasaun Popular Monarkia Timorense (APMT) liu husi komunikadu imprensa Vise Koordenador Organizasaun Juventude APMT Manuel Katy haktuir Programa Fera Foho Ramelau, Matebian No Kablake ne’e Estratejia Politika ba tinan tinan naruk.
“Programa Fera Foho Ramelau, Matebian No Kablake sai sidade ne’e Estratejia Politika ba futuru, la’os fera foho maibe atu hadia infraestrutura, ita tenki kria kondisaun, labele husik estrada aat nafatin, ne’e termu polítika la’os tempu baibain. APMT mos iha Programa prioridade Barak inklui kria Rasik Moeda Tanba atu adere ba AS EAN Presisa iha Moeda Rasik”. Tenik Vise Koordenador Organizasaun Juventude APMT Manuel Katy ba jornalista sira liu husi komunikadu imprensa, iha Sede Nasional APMT Fomentu, 12/05/2023
Vise Koordenador Organizasaun Juventude APMT Manuel Katy ne’e mos promete, wainhira APMTL hetan konfiansa husi povu sei hadia no dezenvolve setor infraestrutura, agrikultura, saude, edukasaun no turizmu
“Povu fo fiar ba APMT, ita sei Hadia Infraestrutura, Agrikultura, Saude, Edukasaun No Turismu, tanba setor hirak ne’e importante ba Dezenvolvimento Nasaun nian no bele hadia povu nia kualidade moris”, Promete Manuel Kati
Vise Koordenador ne’e hatutan, Povu iha Munisipiu Atauro sei kria kondisaun ba peskador sira hodi bele hadia kondisaun moris no hasa’e rendimentu komunidade nian
“Iha Atauro Ita Sei Kria Kondiasaun ba peskador Sira atu Sira bele Hadia Sira Nia Moris ekonomia liu husi diversifika ekonomia, turizmu liliu foku ba investimentu Foho Ramelau, Matebian no Kablaki liu husi hadia estrada, bee moos, eletrisidade, jardin nune’e bele atrai turista nasional no internasional sira”. Nia dehan
APMT mos promete impleta polítika desentralizasaun, define potensialidade husi kada munisipiu hodi halo investimentu ba setor produtivu sira, nune’e bele hadia povu nia moris diak
Jornalista : Ferderita Miranda