Aposta Ba Vontade Popular, FRETILIN Kongratula Partisipasaun Povu Iha Festa Demokrasia
SAPNewsTL, Dili : Estrutura Partidu Frente Revolucionário do Timor-Leste Independente(FRETILIN), Munisipiu Dili realiza Komunikadu Imprensa iha Comitê Central de FRETILIN, Iha Komunikadu ne’e Porta Voz Antonio Moniz Calau kongratula povu Timorense hotu ne’ebe partisipa maximu no exerse ona direitu de votu iha festa demokrasia
Tuir Porta Voz Koordenador Komisaun Polítika Munisípiu Dili, Antonio Moniz Calau, hateten, Partidu FRETILIN, konsiente duni katak fiel deit ba ninia prinsipiu fundamental sira, hodi defende konsolidasaun estadu direitu demokratiku ba Timor-leste (TL) ida livre, soberanu no independente, tuir deit vontade povu nian, Nune’e kongratula partisipasaun povu hotu-hotu nian
Koordenador Komisaun Polítika Munisípiu Dili, Antonio Moniz Calau, hato’o lia hirak ne’e ba Jornalista sira liu husi komunikadu imprensa, ne’ebé hala’o iha sede Comite Central FRETILIN, Dom Aleixu Comoro Tersa(13/06/2023),
“Ami hotu defende tebes espiritu toleransia ne’ebe kultivadu hodi hamoris kultura dialogu nian. Kuadrus FRETILIN nian iha Munisipiu Dili,konsidera iha FRETILIN, laiha ema ida mak los liu,maibe iha deit mak espiritu ekipa nian, solidariedade no komplementaridade. Kuadru FRETELIN nian iha munisipiu Dili simu rezultadu ne’ebe FRETILIN hetan iha elesaun parlamentar”.
“Rezultadu ida ne’e mai hodi esforsu espiritu servisu koletivu nian, espiritu solidariaedade no komplementaridade hodi estrutura militante, organizasaun filiada sira no apoiante hotu-hotu nian” Nia hatutan.
Antônio Calau Fundamenta, Kuadrus hotu-hotu Partidu FRETILIN nian iha Munisípiu Dili, komunga prinsipiu ida FRETILIN nian ne’ebe defende natureza demokasia internal iha partidu no rekuza aktu sira ne’ebe la halo tuir ka la kumpre estatutu no regulamentu internal partidu ho desizaun sira ne’ebe partidu deside ona liu hodi orgaun sira partidu nian
Jornalista : Marcela Mery da Costa
